सिंगिङ आइडल प्रतियोगिताका लागि सहभागिहरू छनोटको काम आयोजक उद्योग संगठनको हलमा थालिएको छ । एक सय ५० प्रतिश्पर्धीबाट ३० जना प्रतियोगिताका लागि छनोट गरिने इभेन्ट को–अर्डिनेटर करण देवले बताए । ३० जना मध्येबाट ग्राण्ड फिनालेमा ५ जना जाने देवले जानकारी दिए । उनले अडिसनबाट छानिएका प्रतियोगि मध्ये प्रथम द्वितिय र तृतीय हुनेलाई नगद पुरस्कारको पनि व्यवस्था गरिएको बताए ।
प्रदेश १ का लुकेका प्रतिभाहरूलाई प्रस्फुटित गराउन उपयुक्त प्लेटफर्म उपलब्ध गराउने, गायन क्षेत्रका प्रतिभाको खोजी गरी त्यस्ता प्रतिभालाई राष्ट्रिय स्तरमा परिचित गाउने उद्देश्यले प्रतियोगिता आयो जना गर्न लागिएको आयोजक उद्योग संगठन मोरङले जनाएको छ । आइडलको ग्राण्ड फिनाले एक्स्पोको अन्तिम दिन हुने र निर्णायक गायिका इन्दिरा जोशी विराटनगर आउने जनाइएको छ ।
तपाईको प्रतिक्रिया