विराटनगर जुट मिलको खेलमैदानमा आज भएको पहिलो सेमिफाइनल खेलमा भरौल भेट्रान्स क्लब सुनसरीलाई २–० गोलले हराउँदै दमक फाइनलमा पुगेको हो ।
जितसँगै दमकलले शनिबार हुने मर्निङ्ग भेट्रान्स क्लब हाटखोला र आयोजक मिल्स भेट्रान्स क्लब ‘क’ विराटनगरको बिजेता टिमसँग फाइनलमा प्रतिस्पर्धा गर्नेछ ।
प्रतिस्पर्धात्मक खेलको पहिलो हाफसम्म गोल रहित खेल बराबारी भएको थियो । दोस्रो हाफदेखि दबावमा राखेको दमकले ३७ औं मिनेटमा सुवास आङथुपोले गोली गरी सुरूवाती अग्रता दिलाए । खेलको ५३ औं मिनेटमा देउमान लिम्बुले डिबक्स भित्रबाट गोली गरी २–० गोलले दमकलाई जित दिलाउन सफल भए ।
प्रतियोगिताको म्यान अफ द म्याच दमकका रमेश बस्नेत घोषित भए । उनले नगद २ हजार १ सय रुपैयाँ पाए । म्यान अफ द म्याच हुने खेलाडीलाई पुरस्कार विराटनगरका युवा व्यवसायी मनोज बिक्रश शाहले बितरण गरेका थिए ।
तपाईको प्रतिक्रिया