आज विराटनगरमा राप्रपा केन्द्रीय प्रशिक्षण विभागद्वारा आयोजित प्रदेश १ स्तरीय दुई दिन प्रशिक्षक प्रशिक्षण कार्यक्रमको उद्घाटन गर्दै अध्यक्ष लिङ्देनले सो कुरा बताएका हुन् । उनले विगतको कमी कमजोरी हटाई आगामी निर्वाचनमा अध्याधिक स्थानमा पार्टीका उम्मेदवारलाई विजयी गराउनु पर्नेमा जोड दिए ।
अध्यक्ष लिङदेनले पार्टीको जनमत वृद्धि गर्न ७५३ स्थानीय पालिकामा संगठन निर्माण गर्न कार्यकर्ताहरुलाई निर्देशन दिदै निर्वाचनमा पार्टीलाइ परिवर्तनको संवाहकको रुपमा जनतालाई विश्वास दिलाउन आग्रह समेत गरे ।
निर्वाचनलाई जीवनमरणको रुपमा लिन कार्यकर्ताहरुलाई आग्रह गर्दै अध्यक्ष लिङदेनले जनताको समृद्धिको चाहना पुरा गर्न पार्टीलाई सत्तागठबन्धन दलहरुको विकल्पको रुपमा स्थापित गर्र्नु पर्नेमा जोड दिए ।
अध्यक्ष लिङ्देनले भदौ अन्तिममा निर्वाचनका लागि उम्मेदवारको सूचि जारी गर्ने जानकारी दिँदै सोही महिनादेखि मुलुकभरी अभियानको रुपमा पार्टी प्रवेश तथा आमसभाको आयोजना गर्ने बताए ।
प्रशिक्षक प्रशिक्षणमा प्रदेशका १४ जिल्लाका अध्यक्ष,संसदीय क्षेत्र, प्रदेश सभा सदस्य क्षेत्र, महिला गरी २०० जनाको सहभागिता रहेको छ ।
तपाईको प्रतिक्रिया