विराटनगरमा ४६९६१ मत गणना हुँदा मेयरमा नागेशले ३६३२ र उपमेयरमा शिल्पाले ५१५९ मतको अग्रता

पछिल्लो मत परिणाम अनुसार ४६९६१ मत गणना हुँदा मेयरमा काँग्रेसका नागेश कोइरालाले एमालेका सागर थापाको मत भन्दा ३६३२ मत बढी ल्याएका छनु । कोइरालले १४९४४ मत ल्याए भने थापाले ११३१२ मत प्राप्त गरेका छन् । स्वतन्त्र उम्मेदवार उमेश यादवले ४६८२ र राप्रपाका प्रल्हाद साहले ३०२७ मत प्राप्त गरेका छन् ।

महानगरको उपमेयरमा भने एमालेकी शिल्पा निराला कार्कीले जसपाका अध्यक्ष उजेन्द्र यादवको छोरा अमरेन्द्र यादवको भन्दा ५१५९ मतको अग्रता दिएकी छिन् । कार्कीले १२९२७ मत ल्याउँदा अमरेन्द्रले ७७६८ मत ल्याए । यस्तै राप्रपाका विन्दा लुइटेलले ३६९९ र स्वतन्त्र उम्मेदवार नमिता न्यौपानेले २७०४ मत प्राप्त गरेकी छिन् ।