विभागीय टोली आर्मीलाई स्तब्ध पार्दै भारतको दार्जिलिङ दमक गोल्डकपको अन्तिम चारमा

आज भएको खेलमा दार्जिलिङ विभागीय टोली त्रिभुवन आर्मी फुटबल क्लबलाई ४–० ले फराकिलो गोल अनतरले पराजित गर्दै अन्तिम चारमा आफ्नो स्थान सुरक्षित गरेको हो ।
दमक नगर खेलकुद विकास समितिको आयोजनामा भएको खेलमा दार्जिलिङको जितका लागि राकेश सिंहले दुई गोल, जेरी पुलामी र विमल कुमारले एक÷एक गोल गरे ।

खेलको २७ औँ मिनेटमा जेरी पुलामीले पहिलो गोल गरे । डिबक्समा रहेका पुलामीले प्रहार गरेको बलले गोलमा परिणत भएको हो । ४७ औँ मिनेटमा राकेश सिंहले दोस्रो गोल गर्दै दार्जिलिङको अग्रतालाई दोब्बर बनाए । उनले गरेको लङ रेञ्ज प्रहार गोलमा परिणत भएको थियो । खेलको ६४ औँ मिनेटमा विमल कुमारले गोल गर्दै दार्जिलिङको अग्रतालाई तेब्बर बनाए । मध्यभागबाट बल लैजाँदै डिबक्सबाट गरेको प्रहार गोलमा परिणत भएको थियो । दार्जिलिङले खेलको इन्ज्यरी समयमा थप एक गोल गर्दै ४–० को जित निश्चित ग¥यो । राकेश सिंहले मैदानको मध्यभागबाट बल अघि बढाउँदै गरेको प्रहार गोलमा परिणत भएको थियो । आर्मीले पाएका अवसरलाई सदुपयोग गर्न नसक्दा हार व्यवहार्दै घर फर्किन बाध्य भयो ।

खेलको म्यान अफ दि म्याच दार्जिलिङका राकेश सिंह घोषित भए । उनले नगद दश हजार रुपैयाँ प्राप्त गरे । सोमबारको अन्तिम क्वाटरफाइनल खेल विभागीय टोली नेपाल पुलिस क्लब र विदेशी टोली क्यामरुनको एमिनियर फुटबल क्लबबीच हुने आयोजक दमक नगर खेलकुद विकास समितिले जानकारी दिए ।