animated ellipse animated ellipse

पीएनजीमाथी सहज जित हात पार्दै नेपालको सुखद अन्त्य

KhabarPurwanchal-Logo

खबर पूर्वाञ्चल

८ चैत्र २०७८, मंगलवार १८:४४
153
Shares
विराटनगर / नेपालले क्रिकेट वल्र्डकप लिग टूमा पपुवा न्यूगिनी(पीएनजी)विरुद्धको खेलमा सहज जित हात पारेको छ ।

दुबईमा भएको लिगको अन्तिम खेलमा नेपालले पीएनजीलाई ७ विकेटले पराजित गरेको हो । जित पछि नेपालले १२ खेलमा ६ मा जित र ६ मा पराजित हुँदै १२ अंककासाथ लिगमा छैठौ स्थानमा रहेको छ ।

दुबईमा जितका लागि पाएको १७४ रनको लक्ष्य नेपालले ३७ ओभरमा ३ विकेट गुमाएर लक्ष्य भेट्टायो । नेपालको जितमा कुशल भुर्तेल र आरिफ शेखले अर्धशतक पूरा गरे ।

भुर्तेलले ५० रन बनाएर आउट भए भने आरिफ शेख ५९ रन र रोहित पौडेल ४४ रनमा अविजित रहँदा आसिफ शेखले २ र दीपेन्द्रसिंह ऐरी शून्य रनमा आउट भए । पीएनजीका चार्लीज अमिनले २ विकेट लिँदा अली नौले १ विकेट लिए ।
यस अघि टस हारेर व्याटिङको निम्तो पाएको पपुवा न्यूगिनीले ५० ओभरमा ८ विकेट गुमाएर १७३ रन बनायो । उसका लागि असद भालाले सर्वाधिक ४५ रन बनाए ।

नेपालका कप्तान सन्दीप लामिछाने र सोमपाल कामीले २–२ विकेट लिए भने करण केसी, आरिफ शेख, दीपेन्द्र सिंह ऐरी र पवन शरार्फले १–१ विकेट हात पारे ।

यो खबर पढेर तपाईलाई कस्तो महसुस भयो ?

फोटो फिचर