शर्माको ‘अदृश्य पर्खाल’ कवितासङ्ग्रहको लोकार्पण

खबर पूर्वाञ्चल, २ आश्विन २०७८, शनिबार २०:३४

विराटनगर / कवि समुन्द्रा शर्माद्वारा लिखित ‘अदृश्य पर्खाल’ कविता सङ्ग्रहको विराटनगरमा लोकार्पण गरिएको छ ।

पूर्वाञ्चल साहित्य प्रतिष्ठान आज विराटनगरले आयोजना गरेको कार्यक्रममा कवि शर्माले लेखेको ‘अदृश्य पर्खाल’ कवितासंग्रहको लोकार्पण गरिएको हो । कार्यक्रममा अग्रज साहित्यकार प्राध्यापक कविराज न्यौपाने, प्राज्ञ विवश पोखरेल, कवि मनु मञ्जिल, कृष्णभूषण बल स्मृति प्रतिष्ठानकी प्रमुख संरक्षक शोभा लामा बललगायतले कृतिको लोकार्पण गरेका थिए ।

विमोचित कृतिमाथि समीक्षा प्रस्तुत गर्दै साहित्यकार हरि कट्टेलले कवितासङ्ग्रहमा समावेश भएका कवितामा सामान्य विषयलाई पनि गहन रुपमा उठाएको बताए । उनले सरल भाषाशैलीमा लेखिएको कवितासंग्रहले जटिल विषयलाई उठान गरेको चर्चा गरे । त्यस्तै अर्का समीक्षक शुभलक्ष्मी लम्सालले समाजका हरेक विषयलाई सङ्ग्रहमा सङ्ग्रहित कविताले समेटेको उल्लेख गरिन् । सङ्ग्रह पठनीय र सङ्ग्रहनीय रहेको उनको दाबी थियो ।

कवि भरत गुरागाईं, रमेशचन्द्र अधिकारी, पूजा आराधानालगायतले विमोचित कृतिभित्रका कविता वाचन गरेका थिए । सो अवसरमा कार्यक्रमका प्रमुख अतिथिसमेत रहेका प्राध्यापक कविराज न्यौपाने, प्राज्ञ विवश पोखरेल, कवि मनु मञ्जिल, कवि एवं पत्रकार मीनकुमार नवोदितलगायतले विमोचित कृतिका विषयमा आ–आफ्ना धारणा राखेका थिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५