औषधी व्यवसायीद्वारा प्रहरीलाई मास्क र सेनिटाइजर वितरण

खबर पूर्वाञ्चल, १२ जेष्ठ २०७७, सोमबार १८:३३

विराटनगर/ नेपाल औषधी व्यवसायी संघ मोरङले इलाका प्रहरी कार्यालय बेलबारीलाई मेडिकल मास्क र सेनिटाइजरलगायतका स्वास्थ्य सामग्री प्रदान गरेको छ ।

सुरक्षामा खटिने प्रहरीलाई संघले आइतबार १० लिटर सेनिटाइजर, मेडिकल मास्क र ग्लोब्स हस्तान्तरण गरेको हो ।

औषधी व्यवसायी संघ मोरङका अध्यक्ष लक्ष्मी तिम्सिनाको नेतृत्वको पदाधिकारीहरूले इप्रका बेलबारीका प्रहरी निरीक्षक ऋषिराज ढकाललाई मास्क, सेनिटाइजरलगायतको स्वास्थ्य सामाग्री हस्तान्तरण गरेका थिए । विश्वभरी महामारीको रूपमा फैलिएको कोरानो भाइरसबाट बच्न जनताको सुरक्षामा खटिने प्रहरीलाई संघले सामाजिक उत्तरदायित्व अन्र्तगत रहेर समाजिक कार्य अनुरूप स्वास्थ्य सामाग्री प्रदान गरिएको अध्यक्ष तिम्सिनाले बताए । संघले प्रदान गरेको स्वास्थ्य सामाग्री सुरक्षामा खटिने प्रहरीलाई वितरण गरिने प्रहरी निरीक्षक ढकालले बताए ।

संघले यसअघि पनि विभिन्न संघसंस्थालाई स्वास्थ्य सामाग्री प्रदान गरिसकेको छ । केही दिन अगाडी संघले उर्लाबारी नगरपालिका– ७ स्थित नमूना बाल गृहमा रहेका बालवालिकाहरूको लागि निःशुल्क स्वास्थ्य शिविर तथा स्वास्थ्य सामाग्री र खाद्यान्य वितरण गरेको थियो । यस्तै इप्रका रंगेली, उर्लाबारी तथा विराटनगर र बुढीगंगामा रहेको वृद्धाआश्रम रहेका जेष्ठ नागरिकहरूलाई दिर्घरोगका औषधी, भिटामिन, स्वास्थ्य सामाग्री र खाद्यान्य वितरण गरेको नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले जानकारी दिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५