खबर पूर्वाञ्चल
प्रहरीले मिक्लाजुङ गाउँपालिका – ५ का ४३ बर्षीय जगतबहादुर लिम्बु भरूवा बन्दुकसहित पक्राउ गरेको हो ।
पक्राउ परेका लिम्बुले आफ्नै घरमा २ नाल भरुवा बन्दुक लुकाई छिपाई राखेको अवस्थामा ईलाका प्रहरी कार्यालय उर्लाबारीबाट खटिएको प्रहरी टोलीले हतियारसहित पक्राउ गरेको मोरङ प्रहरीका प्रवक्ता डिएसपी दिपक श्रेष्ठले जानकारी दिए । लिम्बुले हतियार लिएर जंगलमा सिकारी खेल्न जाने गरेको बुझिएको छ । हतियार कहाँबाट ल्याए यस विषयमा पनि थप अनुसन्धान सुरु गरिएको डिएसपी श्रेष्ठले जानकारी दिए ।
पक्राउ परेका लिम्बुलाई हातहतियार तथा खरखजना सम्बन्धी कसूरमा मोरङ जिल्ला अदालतबाट पाँच दिनको म्याद थप गरि अनुसन्धान सुरु गरेको प्रहरीले जनाएको छ ।
तपाईको प्रतिक्रिया