विराटनगरमा मृत भेटिए एक पुरूष

खबर पूर्वाञ्चल, ५ श्रावण २०७८, मंगलवार १०:२६

विराटनगर / विराटनगर – ११ महेन्द्रचौकदेखि करिब ५० मिटर दक्षिण एक जना पुरूष मृत अवस्थामा फेला परेका छन् ।
स्वस्तिक होटल अगाडीको सटर बाहिर ४० देखि ४५ वर्ष उमेरका पुरूषको आज विहान ८ बजे मृत अवस्थामा शव फेला परेको हो ।

मृतक पुरूषको पहिचान अहिलेसम्म नखुलेको वडा प्रहरी कार्यालय विराटनगर ‘क’ का डिएसपी दिपक कार्कीले जानकारी दिए । मोरङ प्रहरीका मुद्दा फाटका प्रहरी टोली घटनास्थलमा पुगेर मुचुल्का उठाएर गएको छ । गहुगोरो वर्णका मृतक पुरूषको टाउँकोमा चोटपटक लागेको छ । उनी सोमबार राती लडेको र स्थानियले प्राथामिक उपचार गरिदिएको बताएका छन् । उनी विराटनगरमा सडक पेटिकामा सुत्ने गरेका थिए ।

मृतकको शव पोस्माटम गर्न विराटनगरस्थित कोशी अस्पताल लगिएको छ । मोरङ प्रहरीका प्रमुख एसपी जनार्दन जिसीले घटनाको अनुसन्धान भइरहेको जानकारी गराए । ‘घटना मुचुल्का उठाएर शवलाई पोस्माटम गरिन अस्पताल पठाएको छ,’ उनले भने, ‘अहिलेसम्म मृतकको पहिचान भइसकेको छैन ।’

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५