संक्रमण अन्त्यपछि कोशी कोभिडलाई प्रसूती अस्पताल

खबर पूर्वाञ्चल, २५ असार २०७८, शुक्रबार २१:१८

विराटनगर/ कोरोना संक्रमण अन्त्यभएपछि अहिले कोभिड १९ को उपचार भइरहेको कोशी कोभिड उपचार केन्द्रलाई स्त्री रोग तथा प्रसूती अस्पताल प्रदेश सरकारले बनाउने भएको छ ।
प्रदेश सरकार मातहत रहेर अस्पताललाई प्रसूतीको उपचार गर्ने छुट्टै अस्पताल बनाउने तयारी गरिएको हो । प्रदेश सरकारले आगमी आर्थिक वर्षको नीति तथा कार्यक्रमम र बजेटमा पनि कोभिड उपचार केन्द्रलाई प्रसूती अस्पताल बनाउने सामावेश गरेको छ ।

कोरोना संक्रमणको अन्त्यपछि कोभिड अस्पताललाई स्त्री रोग तथा प्रसुती अस्पताल बनाउने तयारी रहेको सामाजिक विकास मन्त्री उषाकला राईले बताइन् । ‘प्रदेश सरकारले यसका लागि आवश्यक वजेटको पनि प्रवन्ध गरेको छ,’ उनले भने, ‘कोभिड अन्त्यपछि यस अस्पताललाई छुट्टै प्रसूतीको उपचार गरिनेछ ।’

आइसियू र भेन्टिलेटरसहितका ९६ वटा शैय्या रहेको अस्पतालमा आजसम्म ४१ जना उपचारत रहेको अस्पतालका संयोजक वैजनाथ साहले जानकारी दिए । उनका अनुसार जनरल वेडमा ८, एचडियुमा १५ र आईसीयुमा १८ जना उपचाररत छन् । उनका अनुसार कोरोना संक्रमित पछिल्लो समय अस्पतालमा भर्ना हुने दर पनि घट्दै गएको जानकारी गराए । ‘अहिले कोभिड १९ का विरामी अस्पताल आउने संख्या पहिले जस्तो छैन,’ उनले भने, ‘बिगतका दिनहरूमा भन्दा अहिले संक्रमित भएर अस्पताल आउनेको संख्या ह्वातै घटेको छ ।’

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५