प्रदेशमा ३ सय ८७ वटा मानव अधिकार उल्लघनको घटना

खबर पूर्वाञ्चल, २२ असार २०७८, मंगलवार १८:२८
कार्यक्रममा बोल्दै इन्सेक प्रदेश १ का संयोजक सोमराज थापा । तस्वीर : पुष्पराज थपलिया

विरमटनगर / प्रदेश १ मा ६ महिनाको अवधिमा ३ सय ८७ वटा मानव अधिकार उल्घंनको घटना भएको पाइएको छ ।

अनौपचारिक क्षेत्र सेवा केन्द इन्सेक प्रदेश १ ले गत पुस १७ देखि असार १५ गतेसम्म प्रदेशमा सो संख्यामा मानव अधिकार उल्लघनको घटना भएको जानकारी गराएको हो ।

इन्सेकले सार्वजनिक गरेको अभिलेख अनुसार ६ महिनामा सबैभन्दा बढी बलत्कारको घटना रहेको छ । १४ जिल्ला रहेको प्रदेशमा १ सय ५ वटा बलत्कारको घटना भएको छ ।

प्रदेशमा १६ वटा हत्याको घटना भएको छ । जसमा ११ जना महिला र ५ जना पुरूषको हत्या भएको इन्सेकको तथ्यांकमा देखिन्छ । यस्तै २१ वटा कुटपिटको घटना भएको छ । जसमा १४ महिला र ६ जना पुरुष कुटिएका छन् । यसैगरि यौन दुव्र्यवहारको ४१, धम्की २, यातना २, बालबिवाहको ५ वटा घटना भएको छ । ६ महिनामा मोरङमा घरेलु हिंसामा १५ जना महिला पीडित भएको जिल्ला प्रतिनिधि नेत्र पी अधिकारीले जानकारी दिए ।

इन्सेककले आयोजना गरेको मानवअधिकारको अवस्था विषय मिडिया साझेदारी कार्यक्रममा बोल्दै इन्सेक प्रदेश १ का संयोजक सोमराज थापाले मानव अधिकार रक्षाको लागि सबै एकजुट हुनुपर्ने बताए । यस्तै कार्यक्रममा नेपाल पत्रकार महासंघ प्रदेश १ का अध्यक्ष लिलाबल्लभ घिमिरे, मोरङका अध्यक्ष संन्जिव खनाललगायतले बोलेका थिए ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५