नेपालमा कोरोना संक्रमण दर बढदै, संक्रमण दर झन्डै साढे तीन प्रतिशतले वृद्धि

खबर पूर्वाञ्चल, १६ असार २०७८, बुधबार १६:५९

काठमाण्डौ /नेपालमा कोरोना संक्रमितको संख्या केही दिनयता फेरि बढेको छ । पछिल्लो २४ घण्टामा नेपालमा २८९२ जना संक्रमित थपिएका छन् भने ३५९७ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ७१८५ पीसीआर र ४३८१ एन्टीजेन नमुना गरी ११ हजार ५६८ परीक्षण गर्दा २८९२ संक्रमित थपिएका हुन् । यो संख्या मंगलबार संक्रमण पुष्टि भएको २६३६ भन्दा २५६ जनाले बढी हो । त्यस्तै सोमबार २,४४४ जना संक्रमित भेटिएकामा आइतबार १,९२० जनामा मात्र भेटिएका थिए । आइतबारको तुलनामा बुधबार संक्रमितको संख्या झण्डै एक हजार जना बढेको हो ।

आज आयोजित नियमित प्रेस ब्रिफिङमा स्वास्थ्य मन्त्रालयका प्रवक्ता कृष्णप्रसाद पौडेलले संक्रमण उकालो लाग्दै २६.३ प्रतिशत पुगेको जानकारी दिए । केही दिन अघिसम्म २३ प्रतिशत रहेको संक्रमण दर झन्डै साढे तीन प्रतिशतले वृद्धि भएको हो । प्रवक्ता पौडेलले भने, ‘केही दिनको तुलनामा संक्रमण पुनः बढेको हो । जोखिम हटेको होइन ।’

सोहि अवधिमा थप ४१ जनाको मृत्यु भएको छ । हालसम्म कोरोना संक्रमणका कारण ९११२ जनाको मृत्यु भएको छ । हालसम्म १७ जिल्लामा सक्रिय संक्रमितको संख्या ५०० भन्दा बढी छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५