पूर्वाञ्चल खबर
अवैध रुपमा भारततर्फ तस्करी हुन लागेको गाँजासहित प्रहरीले तीन जनालाई पक्राउ गरेको हो ।
भारततिर कटाउन तयारी अवस्थामा राखिएको १८ किलो गाँजा विराटनगर महानगरपालिका–६ ब्रह्मपुरास्थितदेखि बरामद गरेको मोरङ प्रहरीले जनाएको छ । प्रहरीले गाँजासहित भारतीय नागरिक सोनु यादव, सुनसरी देवानगञ्जका रन्जीतकुमार यादव र धनकुटा घर भएका रुद्र राईलाई पक्राउ गरेको छ ।
धनकुटामा उत्पादन हुने गाँजा लुकाइछिपाई विराटनगर ल्याएर भण्डारण (स्टोर) गर्ने र मौका पर्नासाथ सीमानाका हुँदै भारततिर कटाउने भएकोेले बरामद गाँजा तस्करीको भएको बुझिएको छ ।
तस्करी गरेर भारत पु¥याउनकै लागि धनकुटाबाट झिकाएर गाँजा विराटनगर ल्याउँदै भण्डारण गर्ने गरिएको प्रहरीले पत्ता लगाएको छ । विराटनगरमा भण्डारण गरिने गाँजा सुरक्षाकर्मीलाई छल्नासाथ सीमानाका हुँदै भारत कटाउने गरिएको हो ।
पक्राउ परेकाहरूमाथि थप अनुसन्धान जारी रहेको मोरङ प्रहरीका प्रवक्ता डिएसपी मानबहादुर राईले बताए ।
