प्रदेश २ को सरकारमा कांग्रेस र माओवादी पनि सहभागी हुने, कांग्रेसलाई ३ र माओवादीलाई २ मन्त्रालय

खबर पूर्वाञ्चल, २६ जेष्ठ २०७८, बुधबार १८:५१

जनकपुर / प्रदेश २ को सरकारमा नेपली कांग्रेस र माओवादी केन्द्र पनि सहभागी हुने भएका छन् । नेपाली काङ्ग्रेसलाई तीन र माओवादी केन्द्रलाई दुई मन्त्रालय दिने सहमति भएपछि मुख्यमन्त्री लालबाबु राउतले आजै मन्त्रिमण्डल विस्तार गर्न लागेका हुन् ।

भौतिक पूर्वाधार तथा यातायात मन्त्रालय, ऊर्जा तथा खानेपानी र महिला, बालबालिका, युवा तथा खेलकुद मन्त्रालय लिने गरी कांग्रेस सरकारमा जान लागेको हो ।
कांग्रेसबाट संसदीय दलको नेता रामसरोज यादवको नेतृत्वमा ओमप्रकाश शर्मा र वीरेन्द्र सिंह सरकारमा जाने भएका छन् । यादवले भौतिक पूर्वाधार, शर्माले ऊर्जा र सिंहले युवा तथा खेलकुद मन्त्रालयको जिम्मेवारी सम्हाल्नेछन् ।

माओवादी केन्द्रका तर्फबाट भरत साह र जगत यादव मन्त्री बन्ने लगभग पक्का भएपनि मन्त्रालयको टुंगो लागिसकेको छैन । नयाँ मन्त्रीले अहिले साँझ साढे ७ बजे कांग्रेसका मन्त्रीको शपथ खाने कार्यक्रम तय भएको छ ।

सरकारमा कांग्रेस र माओवादी सहभागी हुने भएपछि मन्त्रालयको संख्या १० बनाइएको छ । सोमबार बसेको मन्त्रिपरिषद् बैठकले ६ वटा मन्त्रालयलाई फुटाएर १० वटा बनाउने निर्णय गरेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५