मोटरसाइकल दुर्घटना परि निलम्बरमा परेका प्रहरी निरीक्षकको मृत्यु

खबर पूर्वाञ्चल, २ बैशाख २०७८, बिहीबार १७:५६

विराटनगर / मोटरसाइकलमा दुर्घटना भएका निलम्बरमा परेका विराटनगरका प्रहरी निरीक्षकको मृत्यु भएको छ ।

चैत २९ गते भएको दुर्घटनामा घाइते भएका ५५ वर्षीय प्रहरी निरीक्षक महावीर यादवको आज बिहान मृत्यु भएको हो ।
यादव अख्तियार दुरुपयोग अनुसन्धान आयोगको निलम्बनमा परेका प्रहरी अधिकृत हुन् । अख्तियारले २०७४ सालमा शैक्षिक प्रमाणपत्र नक्कली रहेको भन्दै अदालतमा मुद्दा दायर गरेको थियो ।

विराटनगर–१३ घर भएका प्रहरी निरिक्षक यादवको विराटनगरमा निर्माणाधीन सडकमा गरिएको लापरबाहीका कारण दुर्घटनामा परेका थिए । जिल्ला प्रहरी कार्यालय मोरङका प्रहरी नायव उपरीक्षक मानबहादुर राईका अनुसार को १ प ६७३८ नम्बरको मोटरसाइकलमा विराटनगर–१३ नहर छेउस्थित निर्माणाधीन सडकमा टाँगिएको डोरीमा अल्झिएर दुर्घटना भएको थियो ।

दुर्घटनामा घाइते यादवको विराटनगरको विराट नर्सिङ होम एवं विराटनगर अस्पतालमा उपचारका क्रममा मृत्यु भएको मोरङ प्रहरीले जनाएको छ ।

सडक कालोपत्रे गर्नलाई बाटो बन्द गर्न टाँगिएको डोरीमा अल्झिएर दुर्घटना हुँदा यादवको घाँटीमा गहिरो चोट लागेको थियो । सो सडकमा निर्माण कम्पनी भूमि कन्सट्रक्सनले काम गरिरहेको छ । सवारी साधनको चाप अत्याधिक रहेका बेला वरपर कुनै सङ्केत नराखी एक्कासि कन्सट्रक्सनका कामदारले पूर्व र पश्चिममा रहेको बिजुलीको पोलमा डोरी टाँगेर बाटो बन्द गरेका कारण दुर्घटना भएको प्रहरीले जनाएको छ ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५