न्यूरोसर्जन डाक्टर रोका जनसेवाश्री पदकबाट विभुषित

खबर पूर्वाञ्चल, ३१ चैत्र २०७७, मंगलवार १५:३९

विराटनगर/ विराटनगरस्थित न्यूरो कार्डियो तथा मल्टिस्पेसियालिटी हस्पिटलका वरिष्ठ न्यूरोसर्जन डा. यमबहादुर रोका सुप्रवल जनसेवाश्री पदकबाट विभुषित भएका छन् ।

राष्ट्रका विभिन्न क्षेत्रमा योगदान पु¥याएका व्यक्तित्वहरुलाई विभिन्न पदकबाट विभुषित गर्ने क्रममा राष्ट्रपति विद्यादेवी भण्डारीलले डा. रोकालाई मानपदवी, अलङ्कार र पदकबाट सुशोभन गरेकी हुन् ।

नेपालको पूर्वाञ्चलमा न्यूरोसर्जरीमा विशिष्ठ योगदान दिइरहेका समाजसेवी डा. रोकाको जन्म बागलुङ जिल्लामा भएको हो । उनी विगत २१ वर्षदेखि पूर्वाञ्चललाई कर्मथलो बनाएका छन् । उनले ११ वर्षभन्दा बढि समयदेखि विराटनगरमै सेवा दिईरहेका छन् । नेपालमा न्यूरोसर्जरी सुरु भएपछि पूर्वाञ्चलमा पहिलो न्यूरोसर्जरी सेवा दिने उनी नै पहिलो डाक्टर हुन् ।

डा. रोका एक अब्बल कवि पनि हुन् । अंग्रेजी विधामा उनले १ हजारभन्दा बढि कविता लेखिसकेका छन् । उनको कविता संग्रह ‘१०८ पोइम्स’ भोल्यूम– १ र २ प्रकाशित भइसकेका छन् भने अरु ५–७ वटा भोल्यूमहरु प्रकाशनको तयारीमा रहेको छ ।

विभिन्न सामाजिक कार्यमा संलग्न उनले २ दर्जनभन्दा बढि राष्ट्रिय तथा अन्तर्राष्ट्रिय पुरस्कारहरु पनि पाइसकेका छन् । डा. रोकाले भारत, सिंगापुर तथा अन्य मुलुकहरुमा अध्ययन गरेका हुन् ।

संविधान दिवस तथा राष्ट्रिय दिवस, २०७६ का अवसरमा २०७६ भदौ ३१ को निर्णयबाट विभूषण प्रदानका लागि ४५० लाई घोषणा गरिएकामा कोभिड–१९ का कारण कार्यक्रम हुन नसकेका कारण सुशोभन हुन नसकेकालाई पनि शुक्रबारै सुशोभन गरिएको छ ।

नेपालको संविधानको धारा २७७ को उपधारा १ बमोजिम मन्त्रिपरिषद्को सिफारिसमा विभूषण प्रदान गरिँदै आएको छ । विभूषित हुनेहरुको सूची गृहमन्त्रालयको वेबसाइटमा समावेश गरिएको छ ।

विभूषण ऐन, २०६४ को दफा ४ बमोजिम उपप्रधानमन्त्री ईश्वर पोखरेलको अध्यक्षतामा गृहमन्त्री रामबहादुर थापा, तोकिएका विज्ञ र गृहसचिव महेश्वर न्यौपाने सदस्यसचिव रहेको विभूषण समितिको बैठकले उक्त सिफारिस गरेको हो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५