खबर पूर्वाञ्चल
विराटनगर जुनियर जेसिजको आतिथ्यतामा हुने सम्मेलनमा नेपालभर रहेका २९ वटा शाखाका ३ सय बढी प्रतिनिधिको सहभागिता रहने विराटनगर जुनियर जेसिज बर्ष २०२० का अध्यक्ष अंकित थापाले जानकारी दिए । उनका अनुसार सहभागिको दर्ताको काम सम्पन्न भएको छ । दुईदिने सम्मेलनमा विभिन्न एकेडेमी अन्र्तगत तालिम तथा की नोट स्पीकरहरुले मन्तव्य व्यक्त गर्ने कार्यक्रम रहेको कार्यक्रमका एकेडेमी डाईरेक्टर विराटनगर जुनियर जेसिजका पूर्वअध्यक्ष सन्दीपदास श्रेष्ठले बताए । तालिमको प्रमुख प्रशिक्षकमा विराटनगर जुनियर जेसिजका संस्थापक अध्यक्ष तथा नेपाल जेसिजका पूर्व कार्यकारिणी उपाध्यक्ष डा. सन्देशदास श्रेष्ठ रहेका छन् ।
सम्मेलनमा ख्यातिप्राप्त प्रशिक्षकहरुबाट विभिन्न सेसनहरु सञ्चालन हुने बताईएको छ । राष्ट्रिय सम्मेलनमा नेपाल जेसिजका अध्यक्ष अशोक शंकर, संस्थापक अध्यक्ष डा. भेखबहादुर थापा, अन्र्तराष्ट्रिय जेसिज बर्ष २०२० का अध्यक्ष इटाही मानियार, सन् २०२१ का अध्यक्ष रुविन कोजिमा लगायतले मन्तव्य व्यक्त गर्ने कार्यक्रम रहेको विराटनगर जुनियर जेसिजका अध्यक्ष थापाले बताए ।
तपाईको प्रतिक्रिया