खबर पूर्वाञ्चल
मोरङको बूढीगंगास्थित विराट मेडिकल कलेजमा उपचारको क्रममा ६६ वर्षीय राईको आज विहान मृत्यु भएको हो । राई २०४९ सालको स्थानीय निर्वाचनमा तत्कालिन नेकपा एमालेबाट पथरी गाविस अध्यक्षमा निर्वाचित भएका थिए ।
पथरीशनिश्चरे १ पथरी बजार निवासी उनलाई कार्तिक २१ गते कोरोना पोजेटिभ देखिएपछि वीपी कोइराला स्वास्थ्य विज्ञान प्रतिष्ठान धरानमा उपचार गरिएको थियो । स्वास्थ्यमा केही सुधार भएपछि अस्पतालबाट घर आएर आराम गरिरहेको अवस्थामा पुनः स्वास्थ्य समस्या देखिएको थियो । त्यसपछि विराट मेडिकल कलेजमा ५ दिनदेखि भेन्टिलेटरमा राखेर उपचार गरिएको अवस्थामा निधन भएको उनका छोरा दीपक राईले जनाए । राईका १ श्रीमती, ४ छोरी र २ छोरा छन् । जसमध्ये दीपक राई फुटबलका राष्ट्यि खेलाडी हुन् ।
