खबर पूर्वाञ्चल
‘बैकिङग कसुर सम्बन्धी मुद्दाका’ फरार प्रतिवादी झापा कन्काई नगरपालिका –३ का ५५ वर्षिय राजेन्द्रप्रसाद प्रसाईलाई झापा प्रहरीले १० महिनापछि आज पक्राउ गरेको हो ।
पक्राउ परेका प्रसाई विरूद्ध ‘बैकिङग कसुर सम्बन्धी मुद्दामा’ उच्च अदालत विराटनगरले विभिन्न मितिमा १ करोड १५ लाख जरिवाना र २ महिना कैद सजायको फैसला सुनाएको थियो । उच्च अदालत विराटनगरले २०७६ पुस १४ गते १ महिना कैद र २५ लाख रुपैयाँ जरिवाना गरेको थियो । यस्तै सोही अदालतले २०७६ पुस २१ गतेको फैसलाले प्रसाई विरूद्ध १ महिना कैद र ९० लाख रुपैयाँ गरी जम्मा २ महिना कैद सजायका साथै १ करोड १५ लाख जरिवाना तोकिएको प्रतिवादीलाई झापा प्रहरीले पक्राउ गरेको प्रदेश १ प्रहरी कार्यालय विराटनगरले जनाएको छ ।
अदालतले कैद सजाय तोकेपछि अभियुक्त प्रसाई फरार थिए । दशैंको मौकामा फरार प्रतिवादी प्रसाई घर आएको प्रहरीले पत्तो पाएपछि पक्राउ गरिएको प्रदेश प्रहरी कार्यालय विराटनगरका प्रहरी नायव उपरीक्षक कविन्द्रकुमार कार्कीले जानकारी दिए । ‘बिशेष सूचनाको आधारमा झापा प्रहरीले फरार प्रतिवादी पक्राउ गरिएको हो,’ उनले भने, ‘दशैंको कारणले अदालत बन्द रहेकोले अदालत सञ्चालनमा आएपछि प्रतिवादीलाई उपस्थित गराईनेछ ।’
