दशैंको अवसरमा क्लासिकटेकले शुरु गर्यो ५ हजार ५ सयसम्मको छुट

खबर पूर्वाञ्चल, २७ आश्विन २०७७, मंगलवार १८:५६

विराटनगर / नेपालीहरुको महान चाड बडा दशैंको अवसर पारेर नेपालको अग्रणी र ठूलो नेटवर्क सेवा प्रदायक कम्पनी क्लासिकटेक प्रा. लि. ले ग्राहकहरुको लागि ५ हजार ५ सय सम्मको छुट पाईने अफर ल्याएको छ । कम्पनीले ५ जार ५ सय मूल्य बराबरको इन्टरनेट सेवाको रिचार्जमा छुट र बोनस उपलब्ध गराउने कम्पनीले जनाएको छ ।

कम्पनीले दशैंको अवसरमा ल्याएको नयाँ अफर अनुसार कम्पनीका हालका ग्राहकहरुले इन्टरनेट सेवाको १ वर्षको रिचार्ज गरेको खण्डमा ५ हजार ५ सय बराबरको छुट प्राप्त गर्ने छन् । त्यसै गरि ग्राहकहरुले ६ महिनाको इन्टरनेट सेवा रिचार्ज गरेको खण्डमा २ हजार ८ सय बराबरको छुट प्राप्त गर्ने छन् ।

कम्पनीले पुराना ग्राहकहरुको लागि नयाँ रेफर अफर समेत सार्वजनिक समेत गरेको छ । यस अनुसार ग्राहकहरुले क्लासिकटेकको मोबाइल एपमा गएर रेफरमा क्लिक गरेर आफ्ना साथीभाई तथा आफन्तहरुको नाम र नम्बर ठेगाना राख्नु पर्ने हुन्छ र उहाँहरुले रेफर योजना अन्तरगत १ वर्षको सब्सक्रिप्सनमा २ महिनाको बोनस इन्टरनेट र आईपी टिभी सेवा निशुल्क पाईनेछ भने ६ महिनाको सब्स क्रिप्सनको साथमा १ महिनाको बोनस इन्टरनेट सेवा र आईपी टिभी निशुल्क पाईने छ । त्यसैगरि ३ महिनाको सब्स क्रिप्सनको साथमा १५ दिनको बोनस र आईपी टिभी उपलब्ध हुने कम्पनीले जनाएको छ ।

क्लासिकटेकले ल्याएको यो योजना नेपालभर रहेका क्लासिकटेकका ग्राहकहरुकोलागि उपलब्ध हुनेक्लासिकटेकका प्रमुख सेल्स र मार्केटिङ अफिसर विनय अधिकारीले जानकारी दिए । उनका अनुसार यो अफर मार्फत ग्राहकहरुलाई उच्च गुणस्तरको इन्टरनेट सेवा दिन कम्पनी आक्रामक रुपमा अगाडि बढ्ने समेत बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५