प्रदेश १ मा ८ सय २१ जनाको कोभिड–१९ परीक्षण रिपोर्ट नेगेटिभ

खबर पूर्वाञ्चल, ३ बैशाख २०७७, बुधबार २१:१५

विराटनगर / प्रदेश नं. १ मा कोभिड –१९ का सङ्कास्पद विरामीको परीक्षणमा सोमबारसम्ममा ८ सय २१ जनाको रिपोर्ट नेगेटिभ आएको छ ।

थ्रोट स्वाब(पिसिआर) प्रविधिबाट नमूना सङ्कलन गरिएका २ सय ८४ जनाको नमूना मध्ये ४२ महिला सहित २ सय ६६ जनाको रिपोर्ट नेगेटिभ आएको छ भने ¥यापिड डायग्नोष्टिक टेष्ट (आरडिटी)कीटबाट गरिएको रगत परीक्षणमा ७६ महिला सहित ५ सय ५५ जना रिपोर्ट नेगेटिभ गरी जम्मा ८ सय २१ जनाको रिपोर्ट आएको प्रदेश १ को मुख्यमन्त्री तथा मन्त्रिपरिषद्को सूचना डेस्क कार्यालयले जनाएको छ ।

थ्रोट स्वाब अन्तर्गत ५० महिला सहित २ सय ८४ जना नमूना सङ्कलन गरिएको मध्ये १८ जनाको रिपोर्ट आउन बाँकी रहेको छ ।

प्रदेशको कोशी अस्पताल विराटनगर र वीपी कोइराला स्वास्थ्य विज्ञान प्रतिष्ठानमा स्वाबको परीक्षण गरिएको छ भने आरडीटीको रगत परीक्षण प्रदेश अन्तर्गतका विभिन्न जिल्लाहरुमा स्थलगत रुपमा गरिएको सूचना डेस्कले जनाएको छ।

प्रदेश सरकारले निर्माण गरेका क्वारेन्टाइन स्थलमा बुधवारसम्म बस्नेमा ६२ महिला सहित ५सय ५ जना रहेका छन् भने २५ जना आफ्नो घर फर्किएका छन् ।

यस्तै होम क्वारेन्टाइनमा ६ सय २७ महिला सहित तीन हजार ७ सय १९ जना वस्नु भएको छ भने आइसोलेसन बेडमा वस्नेको सख्या १० रहेको सूचना डेस्कले जनाएको छ। प्रदेशमा क्वारेन्टाइनमा बस्नेको दिनप्रतिदिन वृद्धि भइरहेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५