सङ्क्रमण देखिएको ठाउँलाई पूर्ण रूपमा लकडाउन गरिने : मुख्यमन्त्री राउत

खबर पूर्वाञ्चल, ३० चैत्र २०७६, आईतवार १९:३४

जनकपुर / प्रदेश २ का मुख्यमन्त्री लालबाबु राउतले कोरोना भाइरसको सङ्क्रमण देखिएको ठाउँलाई पूर्ण रुपमा लकडाउन गरिने बताएका छन् ।

यसका लागि सङ्घीय सरकारका गृहमन्त्रीसहित सरोकारवालासँग कुराकानी भएको उनले बताए । प्रदेश २ को वीरगञ्जमा रहेका तीन भारतीय नागरिकमा कोरोना सङ्क्रमणको पुष्टि भएको छ । वीरगञ्जमा कोरोना संक्रमित तीन जना भारतीयसँग भेट गर्ने २६ जनालाई क्वारेन्टाइनमा राखिएको छ ।

कोरोना सङ्क्रमित भारतीय नागरिकसँग भेट गरेका उनीहरुलाई हिजो बेलुका नै छपकैया र घुसुकपुरस्थित मस्जिदबाट नियन्त्रणमा लिएर वीरगञ्जमा सिद्धार्थ माविस्थित क्वारेन्टाइनमा राखिएको पर्साका एसपी गंगा पन्तले जानकारी दिए । वीरगञ्जबाट बिहीबार २६ जनाको थ्रोट स्वाब संकलन गरी परीक्षणका लागि हेटौंडा पठाइएकोमा तीन जना बाहेक अरुको रिपोर्ट नेगेटिभ आएको थियो ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५