प्रदेश सरकारले विरोध गरेपछि डेढ घण्टामै उल्टियो सरकारको निर्णय, तत्काल उपत्यका बाहिर जान नदिने

खबर पूर्वाञ्चल, २७ चैत्र २०७६, बिहीबार १९:१३

काठमाण्डौं / लकडाउनका कारण अलपत्र परेकाहरुलाई उपत्यका बाहिर जान दिने निर्णयबाट सरकार पछि हटेको छ । प्रदेश सरकारहरुले विरोध गरेपछि संघीय सरकार आफ्नो निर्णयमा डेढ घण्टा पनि टिक्न सकेन ।

आज दिउँसो उपप्रधान तथा रक्षामन्त्री ईश्वर पोखरेल नेतृत्वको कोभिड– १९ रोकथाम तथा नियन्त्रण उच्चस्तरीय समन्वय समितिले दुई दिन काठमाण्डौं बाहिर जाने दिने निर्णय गरेको थियो । तिब्र आलोचना भएपछि उपप्रधानमन्त्री पोखरेलले शुक्रबार र शनिबार उपत्यका बाहिर जान दिने निर्णय नै नभएको बताए ।

कोरोना भाइरस (कोभिड–१९)को सक्रमण फैलिन नदिन सरकारले ११ चैतदेखि लकडाउन गरेको छ । लकडाउन वैशाख ३ सम्म लम्बिएपछि मानिसहरु हिँडेर समेत घर जान थालेका छन् । त्यसलाई हेरेर सरकारले उपत्यकामा अलपत्र परेकाहरुलाई उपत्यका बाहिर जान दिने गृहकार्य गरेको थियो ।

उपप्रधानमन्त्री पोखरेलले सरोकारबाला मन्त्रीहरुलाई बोलाएर उपत्यकामा रोकिएकाहरुलाई भोलि र पर्सि बाहिर जान दिन निर्देशन दिए । संघीय सरकारले काठमाण्डौमा अलपत्र परेका मजदुरहरुलाई घरजान दिन सकिन्छकी भन्ने विषयमा छलफल गरेपनि प्रदेश सरकारका मुख्यमन्त्रीहरुले त्यसको विरोध गरेपछि संघीय सरकारले निर्णय फिर्ता गरेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५