विराटनगरको नेशनल ट्रेडिङमा बन्दै गरेको अस्पताल अन्तिम चरणमा

खबर पूर्वाञ्चल, १३ चैत्र २०७६, बिहीबार २०:३६

विराटनगर / प्रदेश १ को राजधानी विराटनगरमा प्रदेश सरकारले कोरोना संक्रमितको उपचार गर्न निमौणधिन ५० शैय्याको अस्पताल सञ्चालनको तयारी अन्तिम चरणमा पुगेको छ ।

सरकारले कोरोना सङक्रमित बिरामीको उपचारका निम्ति निर्माण गरिरहेकोे अस्पताल निर्माणको ८० प्रतिशत काम सकिएको छ ।

कोरोना संक्रमणको बढ्दो जोखिमलाई मध्यनजर गर्दै गत चैत ७ गते प्रदेश १ का मुख्यमन्त्री शेरधन राईको अध्यक्षतामा बसेको मन्त्रिपरिषदको बैठकले एक साताभित्र प्रदेशमा न्युनतम १० बेडको भेन्टिलेटरसहित ५० शैय्याको अस्पताल बनाउने निर्णय गरेसँगै चैत ८ गतेदेखि विराटनगरस्थित नेशनल ट्रेडिङको खाली भवनलाई अस्पतालको रुपमा विकास गर्ने कार्य थालिएकोमा अहिले अन्तिम चरणको काम भइरहेको छ ।

अस्पताल सञ्चालनका लागि भवनको भौतिक संरचना विकास, मर्मत सम्भार, रङरोगन, बिजुली बत्ती जडान, खानेपानी र अक्सिजन पाईपलाईन जडान लगायतका कार्यहरु भईसकेको छ । यन्त्र उपकरणको जडानको कार्य पनि दु्रतगतिमा अघि बढाईएको छ ।

विराटनगरस्थित कोशी अस्पतालको ईकाईको रुपमा सञ्चालन हुने सो अस्पतालका लागि आवश्यक यन्त्र, उपकरण र मानव संशाधन कोशी अस्पतालबाटै जुटाईने प्रदेश १ का सामाजिक विकास मन्त्री जीवन घिमिरेले बताए । अस्पताल सञ्चालनका ७० जना जनशक्ति परिचालन गर्ने तयारी छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

pabson Brt

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५