उद्योगी राउतले प्रदेश सरकारको कोरोना सहयोग कोषमा नगद ११ लाख सहयोग

खबर पूर्वाञ्चल, १० चैत्र २०७६, सोमबार १९:४४

विराटनगर / विराटनगरका उद्योगी राजेन्द्र राउतले प्रदेश सरकारको कोरोना सहयोग कोषमा नगद ११ लाख रुपैयाँ सहयोग गरेका छन् ।

नेपाल उद्योग वाणिज्य महासंघ प्रदेश १ का वरिष्ठ उपाध्यक्षसमेत रहेका राउतले आज प्रदेश सरकारको कोषमा नगद ११ लाख सहयोग गरेका हुन् ।

प्रदेश सरकारले सम्भावित जोखिमबाट बच्न आफ्नै कोष बनाएको छ । विश्वभर महामारीको रुपमा फैलिएको कोरोना भाइरस संक्रमण नियन्त्रणका लागि आफ्नो व्यक्तिगत तर्फबाट सहयोग गर्न लागेको उद्योगी राउतले बताए । यो संकटको बेला भइपरि अवस्थामा सरकारलाई मद्दत मिलोस् भनेर सहयोग गरेको उद्योगी राउतले बताए ।

विराटनगरमा सामाजिक सहयोगमा अग्रसर हुने उद्योगीको रूपमा समेत परिचित रहेका राउतले नेपाल उद्योग वाणिज्य संघ प्रदेश १ मा आबद्ध विभिन्न ३६ नगर जिल्ला उद्योग वाणिज्य संघमध्ये २३ वटालाई पाँच सय थान मास्क र पाँच लिटर सेनिटाइजरसमेत सहयोग गरेका छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५