प्रदेश १ सरकारले ५० शैयाँको आइसुलेशनसहितको अस्पताल बनाउने

मन्त्रीहरूले गरे निरीक्षण भोलीदेखि सेना र प्रहरीले काम थाल्ने
खबर पूर्वाञ्चल, ७ चैत्र २०७६, शुक्रबार १९:४३

विराटनगर / प्रदेश १ सरकारले विश्वभरी फैलिएको कारोना भाइरसको संक्रमण देखिएको विरामीलाई राख्ने ५० बेडको आइसुलेनसहितको अस्पताल बनाउने निर्णाय गरेको छ ।

प्रदेशका मुख्यमन्त्री शेरधन राईको अध्यक्षतामा मुख्यमन्त्री तथा मन्त्रीपरिषदको कार्यालयमा आज बसेको बैठकले एक साता भित्रमा ५० शैयाँको अस्पताल बनाउने निर्णाय गरेको हो ।

न्युनतम दश बेडको भेन्टीलेटरसहित ५० शैयाको अस्पताल विराटनगरस्थित पूर्व नेशनल ट्रेडिङ लिमिटेडको भवनमा अस्पताल बन्ने सामाजिक विकास मन्त्री जीवन घिमिरे जानकारी दिए । आज प्रदेशको आन्तरिक मामिला तथा कानुन मन्त्री हिक्मत कार्की, सामाजिक विकास मन्त्री घिमिरे, कोशी अस्पतालको मेसु डा. संगीता मिश्रा, फिजिसियन डा. दिपक सिग्देलसहितको टोलीले अस्पताल बनाउने भवनको स्थलगत निरीक्षण गरिएको छ । सामाजिक विकास मन्त्रालय र भौतिक पूर्वाधार विकास मन्त्रालयले समन्वय गरी एक हप्ता भित्र अस्पताल बनाउने तयारीको साथ शनिबारदेखि काम सुरू हुने मन्त्री घिमिरले जानकारी दिए ।

नेशनल टे«डिङको भवनलाई अस्पताल बनाउने निर्णाय भएपछि शनिबारदेखि सरसफाइ र तयारीको काम नेपाली सेना, नेपाल प्रहरी र सशस्त्र प्रहरीले गर्ने भएको छ ।

कोरानाको परिक्षणको लागि विराटनगरस्थित कोशी अस्पताल र विपि कोइराला स्वास्थ्य विज्ञान प्रतिष्ठान धरानको मेडिकल प्रयोगशालालाई आवश्यक स्तरोन्नती गरी प्रयोग गरिने भएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५