सुलेमानीको अन्त्यष्टिका क्रममा भागदौड मच्चिँदा ३५ जनाको मृत्यु

खबर पूर्वाञ्चल, २२ पुष २०७६, मंगलवार १८:५९

इराक / गत शुक्रबार इराकमा अमेरिकी ड्रोन हमलामा मारिएका इरानका सैन्य कमान्डर कासिम सुलेमानीको अन्त्यष्टिका क्रममा भागदौड मच्चिँदा मृत्यु हुनेको संख्या ३५ पुगेको छ । ४८ जना गम्भीर घाइते भएका छन् ।

केरमन शहरमा गरिएको सुलेमानीको अन्त्येष्टीमा मानवसागर उर्लेको थियो । अन्त्यष्टीमा सहभागी हुन देशभरबाट मानिसहरु आएका थिए । यसअघि अहवाज र तेहरानमा पनि उत्तिकै भिड जम्मा भएको थियो ।

इरानी मिडियाहरूले जनाएअनुसार, गृहनगर केरमनमा अन्त्येष्टि कार्यक्रम चल्दै गर्दा भागदौड भएको हो ।

बिहानैदेखि केरमनका सडकहरू अन्तिम श्रद्धाञ्जलि दिन आउनेहरूको भिडले भरिएको थियो । सुलेमानीको मृत्युसँगै अमेरिका र इरानबीच द्वन्द बढेको छ । सुलेमानी इरानको दोस्रो शक्तिशाली व्यक्ति मानिन्थे ।

सुलेमानी आतंकवादी क्रियाकलापमा संलग्न रहँदै आएको र उनीबाट मध्यपूर्वमा खटिएका आफ्ना कूटनीतिज्ञ र सेनालाई खतरा पैदा भएको ठर्हयाउँदै अमेरिकाले उनको ज्यान लिएको हो । सुलेमानीको गृहनगरमा मानिसहरू अभूतपूर्व रूपमा भेला भएको एजेन्सीहरूले जनाएका छन् । एजेन्सी

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५