मोरङ व्यापार संघको वृक्षारोपण अभियान शुरु

खबर पूर्वाञ्चल, ३१ श्रावण २०७६, शुक्रबार २१:४९

विराटनगर / पर्यावरण प्रबद्र्धन आजको प्रमुख आवश्यकता रहेको महशूस गर्दै मोरङ ब्यापार संघले मोरङमा बृक्षारोपण अभियान शुरु गरेको छ ।

संघको १० हजार बोट विरुवा वृक्षारोपण गर्ने अभियान अन्तरगत पहिलो चरणमा शुक्रबार सूर्यदल गण थलाहा व्यारेक कटहरीमा एक हजार बिरुवा बृक्षारोपण गरेको हो । फलफूल तथा अन्य बोट विरुवाहरु वृक्षारोपण गरी आफ्नो अभियानको शुभारम्भ गरेको संघका अध्यक्ष प्रकाश मुण्दडाले जानकारी दिए ।

संघका अध्यक्ष मुण्दडाले उद्योग व्यवसायको प्रबद्र्धनका क्रियाकलापहरुमा सक्रीय रहनुका साथै वातावरण एवं पर्यावरण संरक्षण गर्नु पनि सबैको दायित्व रहेको बताए । उनले वृक्षारोपण गर्नु भन्दापनि रोपिएका बोट विरुवाहरुको संरक्षण गर्नु पनि उत्तिकै महत्वपूर्ण रहेको बताउँदै वृक्षारोपण गरिएका बोट विरुवाहरुको संरक्षण र प्रबद्र्धनकालागि उक्त गणले महत्वपूर्ण भूमिका निर्वाह गर्ने बताए । पहिलो चरणको अभियान सुर्यदल गणबाटै शुरु गरेकोले यो अभियानलाई निरन्तरता दिईनेल मुण्दडाले बताए । आन्तरिक मामिला तथा कानून मन्त्री हिक्मत कुमार कार्कीले अभियान अत्यन्त प्रशंसनीय रहेको बताए । संघले थालनी गरेको अभियानबाट आफू अत्यन्त हर्षित भएको बताउँदै आगामी दिनमा यस किसिमका कार्यक्रमहरुमा आफ्नो मन्त्रालयले सदैव सहकार्य गर्न तत्पर रहेको जानकारी दिए ।

प्रदेश १ का आन्तरिक मामिला तथा कानून मन्त्री हिक्मतकुमार कार्कीले वृक्षारोपणको शुभारम्भ गरेसँगै अभियान अघि बढेको थियो । वृक्षारोपणको शुभारम्भ गर्दै मन्त्री कार्की प्रदेश सरकारले पनि वृक्षारोपण अभियानका कार्यक्रमहरु सञ्चालन गर्दै आएकोमा संघबाट पनि शुरु हुनुले सँगै सहकार्यको लागि काम गर्न तयार रहेको बताए । मन्त्री कार्कीले तीव्र गतिमा भैरहेको वन विनाशकाकारण वातावरण प्रतिकूल प्रभाव परिरहेको छ भन्दै २०७४ साल साल पछि नेपालमा वनको संरक्षण गर्ने काम प्रभावकारीरुपमा भैरहेको बताए । उनले नेपाली सेनाको ब्यारेक भित्र रोपिएका विरुवाको राम्रो हेरचार हुने बताए ।

वृक्षारोपण कार्यक्रमको सहयोगीको रुपमा एशियन थाई फुड्स रहेको छ । साथै सुर्यदल गण, थलाह व्यारेकका प्रमुख सेनानी रघुनाथ पौडेलले वृक्षारोपण गरिएको विरुवाको संरक्षणको दायित्व अब गणमा आएको बताउँदै संरक्षण पाउने बताए ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५