CLASSICTECH NET

विराटनगर ‘डि’ प्लटको सटरभाडाबाट वार्षिक तीनलाख ६० हजारबाट एक करोड पाँचलाख उठ्ने

खबर पूर्वाञ्चल, २७ जेष्ठ २०७६, सोमबार २०:४५

विराटनगर /विराटनगर महा–नगरपालिकाद्धारा संचालित विराटनगर–९ मा सरकारी भवन(डि प्लट) बाट मासिक ८ लाख भन्दाबढी राजस्व उठ्ने भएको छ ।

विचोलीयाको मिलेमतोमा हुँदै आएको भाडाको दर अब टेण्डर मार्फत गएपछि महानगरको आम्दानी बढेको हो । लाखौँ मासिक राजश्व गुम्दै आएकोमा टेण्डरपछि महानगरलाई ठुलै राजश्व उठ्ने भएको छ । मासिक ३० हजार रुपैयाँ राजस्व उठ्ने डिप्लटमा महानगरपालिकाले नयाँ टेण्डर मार्फत २० वटा सटर भाडामा लगाएपछि मासिक राजस्व ८ लाख ७८ हजार पुग्ने भएको हो । जुन एक वर्षमा एक करोड ५ लाख ३६ हजार पुग्नेछ । जुन अहिले उठ्दै आएको रकम भन्दा एक करोड एक लाख बढी हो ।

महानगरपालिकाको स्वामित्वमा रहेको डि प्लटमा रहेको सटर प्रयोग गर्ने व्यापारीहरुले मासिक ३ सय ८४ रुपैयाँदेखि ३ हजार १ सय ५० रुपैयाँसम्म महानगरमा भाडा बुझाउँथे । तर विराटनगर महानगरपालिकाले नयाँ टेण्डर आह्वान गरी सटर भाडामा लगाउँदा मासिक ८ लाख ७८ हजार राजस्व उठ्ने प्रमुख प्रशासकिय अधिकृत एकदेव अधिकारीले जानकारी दिए ।

महानगरको डि प्लटको सटर भाडा न्यूनतम २१ हजारदेखि १ लाख २८ हजार रुपैयाँ सम्ममा ठेक्का लागेको छ । नयाँ टेण्डर लागेपछि वार्षिक एक करोड भन्दाबढी राजस्व उठ्ने प्रमुख प्रशासकिय अधिकृत अधिकारीले भनाई छ ।
ठेक्का लागेको दुई महिनासम्म पुराना व्यवसायीहरुले पसल खाली नगरेपछि विराटनगर महानगरपालिकाको २० कोठे भवन बल प्रयोग गरी खाली गराइएको छ । सुरक्षाकर्मीसहित विराटनगर महानगरपालिकाका प्रमुख प्रशासकीय अधिकृत अधिकारीको नेतृत्वको टोलीले भवन खाली गराएको हो ।

दुई महिनासम्म भवन नछोडेको भन्दै बलप्रयोग गर्न सुरक्षाकर्मीसहित महानगरपालिकाको टोली पुगेपछि केही बेर तनाव भएको थियो । महानगरपालिकाले भवन खाली गराउने निश्चित देखेपछि टेण्डरमा पाएका ब्यवसायीहरुले आजैनै वडा नम्वर ९ को कार्यालयमा सम्झौताकालागि निवेदन दिएका छन् ।

प्रमुख प्रशासकीय अधिकृत अधिकारीले भवन खाली गराएसँगै ठेक्का पाएकाहरुले सम्झौताकालागि वडामा निवेदन दर्ता गराइसकेको जानकारी दिए । महानगरपालिकाले सो भवन भाडामा लगाए वापत अब वार्षिक १ करोड ५ लाख रुपैयाँ आम्दानी गर्नेछ । अहिलेसम्म भने वार्षिक ३ लाख ५० हजार रुपैयाँ मात्र आम्दानी गर्दै आएको थियो । अब मासिक ८ लाख ७८ हजार भाडा उठ्ने प्रमुख प्रशासकीय अधिकृत अधिकारीले जानकारी दिए ।

सि प्लट २०७७ सम्मकालागि ठेक्कामा लागेको छ । ए र बी प्लट भने पार्क निर्माणकालागि खाली गरिएको छ । डि प्लटमा रहेका २० सटर मध्ये १० वटा सटर विराटनगर मेनरोड र ठाकुरबारी रोडसग जोडिएका छन् । मुख्य सडका जोडिएका सटरको भाडा एकलाख भन्दा माथि छ ।

सटर खाली गराउन व्यापारीको अबरोध
महानगरपालिकाले बोलपत्र आह्वान गरेपछि मासिक अधिकतम ३ हजार रुपैयाँ तिर्नेहरुले एक लाख २८ हजार सम्म भाडा तिर्नेगरी कबोल गरेका छन् । २० वटा सटरमा पसल गर्दै आएकाहरु मध्ये १६ वटा पसलले टेण्डर परेको थियो ।

टेण्डर नपारेका सटरलाई हटाउन महानगरपालिकाले समय दिएको थियो । तर महानगरले दिएको समय अटेर गरेपछि सोमबार महानगरपालिका सटर खाली गर्न पुगेको थियो । तर व्यपारीहरुले सटर खाली गर्न गएको टोलीलाई अवरोध गरे । सटर खाली नगरेपछि महानगरपालिका बल प्रयोग गर्ने उदेश्य सहित डि प्लट पुगेको थियो । दमकल लिएर पूर्व तयारी सहित प्रशासन पुगेपछि व्यापारीहरु फर्कीएका थिए । अन्तत एक दिन भित्र सटर खाली गर्ने समय दिएर महानगरपालिकाको टोली फर्कियो ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५