CLASSICTECH NET

कैलाली र कञ्चनपुरमा आएको हावाहुरीबाट २ को मृत्यु

खबर पूर्वाञ्चल, २४ जेष्ठ २०७६, शुक्रबार ०७:५३

कैलाली / कैलाली र कञ्चनपुरमा बिहीबार राति आएको भीषण हावाहुरीमा परेर ज्यान गुमाउनेको संख्या २ पुगेको छ भने १ सय भन्दा बढी घाइते भएका छन् ।

मृत्यु हुनेमा टिकापुर नगरपालिका–२ मा पोल्टी फार्मको पर्खाल भत्किँदा लहानु दोगौंराको मृत्यु भएको र हावाहुरीका कारण कैलालीको गोदावरीमा मोटरसाइकल र टिपर ठोकिदाँ अर्का एक जनाको मृत्यु भएको छ । मृत्यु हुनेमा मोटरसाइकल चालक गोदावरी–८ जमुना भाडी माझगाउँका वीरबहादुर चौधरीको ज्यान गएको कैलाली प्रहरीका प्रमुख सुदीप गिरीले जानकारी दिए ।

हावाहुरीका कारण विद्युत टेलिफोन सेवा अवरुद्ध छ भने क्षतिको विवरण संकलन भइरहेको प्रहरीले जनाएको छ । स्थानीय घाइते हुनुका साथै केही सवारी साधन समेत हावाले उडाएको छ ।

हावाहुरीले दुवै जिल्लामा जनजीवन प्रभावित

विहिबार राती आएको हावाहुरीले दुवै जिल्लाका भौतिक संरचनामा क्षति र्पुयाएको छ । जिल्ला प्रहरी कार्यालय कैलालीका अनुसार, सयौंको संख्यामा रुखहरु ढलेका छन् भने घरका टिनका छाना उडाएका छन् ।
सडकमा रुख ढल्दा कैलालीका विभिन्न स्थानको सवारी आवागमनसमेत प्रभावित भएको छ । यद्यपि, यसलाई हटाएर सवारी सञ्चालनमा ल्याउने प्रयास भइरहेको कैलाली प्रहरीले जनाएको छ ।

हावाहुरीले कैलालीमा विद्युतका पोलसमेत ढल्दा जिल्लाका अधिकांश स्थानमा विद्युत सेवा बन्द भएको छ । कञ्चनपुरमा पनि हुरीले भौतिक संरचनामा क्षति र्पुयाएको छ । क्षतिको यकिन विवरण प्राप्त नभए पनि कैयन स्थानबाट घरको छाना उडाएको, रुख भाँचिएको तथा बिजुलीको पोल ढलेको कञ्चनपुर प्रहरीले जनाएको छ ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५