पूर्वाञ्चल खबर
विराटनगर / १ नम्बर प्रदेशको मोरङ र झापा जिल्लामा आज बिहान भएको सवारी दुर्घटनामा २ जनाको मृत्यु भएको छ ।
मोरङको बिराटनगर महानगरपालिका १२ मंगलबारेमा ट्याक्टरको ठक्करबाट १ बालिकाको मृत्यु भएको छ । भित्रि सडक खण्डमा पूर्वबाट पश्चिमतर्फ जाँदै गरेको को २ त २१२४ नम्बरको ट्याक्टरले सोही स्थान बस्ने दिपनारायण राजवंशीकी छोरी अरूणोदय आधारभूत बिद्यालयमा कक्षा ४ मा अध्ययनरत १० वर्षिय चन्द्रकला राजवंशीलाई आज बिहान स्कूल जाने क्रममा ठक्कर दिएको थियो । ठक्करबाट गम्भीर घाइते भएकी बालिकालाई उपचारको लागि कोशी अन्चल अस्पताल बिराटनगर पठाएकोमा उपचारको मृत्यु भएको प्रहरी चौकी बखरीले जनाएको छ ।
ठक्कर दिने ट्याक्टरलाई प्रहरीको नियन्त्रणमा राखिएको छ भने चालक फरार रहेकोले खोजी भईरहेको मोरङ प्रहरीले जनाएको छ ।
त्यस्तै झापाको बुद्धशान्ति गाउँपालिका ४ जोरलाभरमा स्कूल बसको ठक्करबाट १ जना पैदलयात्रीको मृत्यु भएको छ । आज बिहान भित्री सडक खण्डमा कर्णाली उच्च माध्यामिक बोर्डिङ स्कूलको मे १ ख १८१९ नम्बरको स्कूल बसको ठक्करबाट सोही स्थान बस्ने पैदलयात्री ४१ वर्षिय राजेन्द्र जबेगुको घटनास्थलमा नै मृत्यु भएको हो ।
घटनाको जानकारी पाउना साथ तत्काल इलाका प्रहरी कार्यालय धुलावारीबाट प्रहरी टोली खटि गई बस र चालक सोही गाउँपालिका १ बस्ने ४६ वर्षिय गोपाल बराईलीलाई नियन्त्रणमा राखिएको झापा प्रहरीले जनाएको छ ।
मृतकको शव कानूनी प्रकृया पूरा गरी पोष्टमार्टमको लागि मेची अञ्चल अस्पताल भद्रपुर पठाएको छ ।
