पूर्वाञ्चल खबर
झापा / झापाको भद्रपुर नगरपालिका ५ बसपार्कबाट प्रहरी टोलीले लागूऔषध सहित आज १ जनालाई पक्राउ गरेको छ ।
लागूऔषध सहित उदयपुर बेलका नगरपालिका ५ का २२ वर्षीय बीरधन तामाङलाई पक्राउ गरेको वडा प्रहरी कार्यालय भद्रपुरले जनाएको छ ।
प्रहरीले आज विहान शंकास्पद अवस्थामा हिडिरहेका तामाङलाई चेकजाँच गर्ने क्रममा लागूऔषध फेनारगन २० एम्पुल, डाईजेपाम २० एम्पुल र लुपिजेसिक २० बरामद गरेको छ । पक्राउ परेका तामाङलाई वडा प्रहरी कार्यालय भद्रपुरमा राखि थप अनुसन्धान भईरहेको झापा प्रहरीले जनाएको छ ।
