पूर्वाञ्चल खबर
विराटनगर / विराटनगरका यूवा पत्रकार सुमन सुस्केरालाई कृष्णप्रसाद सिग्देल यूवा पत्रकारिता पुरस्कारबाट पुरस्कृत गरिएको छ ।
प्रेस चौतारी र प्रेस सेन्टरको आयोजनाले आज विराटनगरमा एक कार्यक्रमको आयोजना गरी प्रदेश १ का मुख्यमन्त्री शेरधन राईले सुस्केरालाई नगद सहित पुरस्कृत गरेका हुन् ।
सुस्केरा उज्यालो नेटवर्क, लोकान्तर अनलाईनका समाचारदाता र आवर विराटनगरका प्रधान सम्पादक हुन । उनले नगद ११ हजार १ सय ११ रुपैयाँ र सम्मान पत्रले सम्मानित भएका थिए । यस अघि भक्त राई, मिलन राउत, शान्ती दाहाल र कमल रिमालले सो पुरस्कारबाट पुरस्कृत भएका छन् । हरेक बर्ष प्रेस चौतारीको आयोजनामा हुँदै आएको कार्यक्रम यो बर्ष प्रेस चौतारी र प्रेस सेन्टरको आयोजनामा वितरण गरिएको प्रेस चौतारी मोरङका अध्यक्षा रामचन्द्र अधिकारीले बताए ।
