CLASSICTECH NET

पूर्ण विश्वास छ निजी विद्यालयका समस्या समाधान हुन्छन् : अध्यक्ष पुरी

खबर पूर्वाञ्चल, ६ चैत्र २०७५, बुधबार १९:२७

निजी तथा आवासीय विद्यालय अर्गनाइजेशन नेपाल प्याब्सनको १४ औं राष्ट्रिय महाधिवेशनबाट निर्वाचित अध्यक्ष टीकाराम पुरीसँग गरिएको संक्षिप्त कुराकानी

अध्यक्षमा निर्वाचित हुनुभएकोमा यहाँलाई बधाई छ ।

  धन्यवाद ।

तपाईका प्राथमिकताहरु के के हुन् ?

पछिल्लो समयमा उच्चस्तरीय राष्ट्रिय शिक्षा आयोगले प्रतिवेदनमा उल्लेख गरेर धेरै अप्ठ्यारा कुराहरु निजी विद्यालयलाई नियन्त्रण गर्ने गरि सार्वजनिक ग¥यो । त्यो भन्दा अगाडि करिब एक दशकदेखि निजि विद्यालय सञ्चालन सम्बन्धि केहि अपठ्याराहरु थिए । र अब संघीय शिक्षा ऐन बन्दै छ । त्यहाँ पनि धेरै अप्व्ठ्यारा कुराहरु राख्न खोजिएको छ । सवैभन्दा पहिला मेरो प्राथमिकता भनेको निजी विद्यालय मैत्री शिक्षा निती निर्माण गर्नु नै हो । त्यसका लागि म पहिलो कुरा सरकारसँग समन्वय गर्छु ।

दोस्रो कुरा भनेको प्याब्सनको केन्द्रीय कार्यालय भवन बनाउनु छ । तेस्रो प्याब्सनलाई एउटा भरपर्दो, रहरलाग्दो संगठनको रुपमा र सवैको अपनत्व हुने किसिमको र समाजप्रति र राष्ट्रप्रति उत्तरदायी हुने र समग्र नेपालको निजी क्षेत्रको शिक्षालाई पनि राज्यका मुल प्रवाहमा समावेश गर्ने गरिका प्रयत्नहरु मेरा रहनेछन् । र समग्र नेपालको शिक्षा को विकासका लागि निजि विद्यालयहरुको भूमिकालाई राज्यले मुल्याकंन गर्ने गरिका प्रयासहरु आगामी दुई वर्षको कार्यकालमा मेरो नेतृत्वको कन्द्रीय प्याव्सनले गर्नेछ ।

निजी विद्यालय केन्द्रित योजनाहरु के छन् ?

खासगरेर विद्यालय केन्द्रीत कुरा गरिहरँदाखेरी हामी के गर्न चाहन्छौं भन्दा हामी अहिलेको पाठ्यकक्रम अहिलेको शताब्दि सुहाउँदो किसिमको छैन । हामीले शिक्षालाई प्रविधि र सीप सँग जोड्न सकेका छैनौं । त्यसो हुनाले हामीले प्रत्येक विद्यालयमा प्रविधिको प्रयोग गर्ने । र यस्तो पाठ्यक्रम हामी निर्माण गर्न चाहन्छौं कि जुन पाठ्यक्रमले विद्यार्थीलाई ज्ञानको साथै सीप पनि सिकाउन सकोस र जुन सीपमुलक शिक्षा हुनेछ । जसले गर्दाखेरी हाम्रा लाखौं विद्यार्थीहरु प्रत्येक वर्ष उच्च शिक्षाका लागि बाहिरि देशमा जानु नपरोस ।

आफ्नै राष्ट्रप्रति समर्पीत भएर यहीँ नै उनीहरुले रोजगारीको अवसर पनि सृजना गर्न सकुन् यस्तो किसिमको शिक्षाको हामी विकास गर्न चाहन्छौं । साथै साना विद्यालयहरुको भौतिक पूर्वाधारलगायतका धेरै समस्याहरु छन् । त्यसको भौतिकपूर्वाधार विकासका कार्यक्रमहरु सञ्चालन गरिने छ । शिक्षक, कर्मचारी र सञ्चालकहरुको हितमा इमरजेन्सी फण्डको पनि हामी विकास गर्नेलगायतका कार्यक्रमहरु हामी सञ्चालन गर्ने छौं ।

योगदानमा आधारीत सार्वजनिक सुरक्षा ऐनले साना निजी विद्यालयलाई अप्ठ्यारो पारेको गुनासो छ । यसमा तपाईको भूमिका के रहन्छ ?

योगदानमा आधारीत सार्वजनिक सुरक्षा ऐन र कोष व्यवस्थापन गर्ने विषयमा पर्याप्त विद्यालयका प्रतिनिधीहरुसँग छलफल भएन । प्याब्सनसँग पनि त्यो कुरा हुन सकेन । अब हामी के चान्छौं भने यो एक हप्ताभित्रमा श्रममन्त्री, अर्थमन्त्री, र शिक्षामन्त्रीसँग हामी संयुक्त वैठक गर्दैछौं । जसमा हामी के कुरा राख्न चाहन्छौं भने विशिष्ट श्रेणीका विद्यालयहरु, क श्रेणीका विद्यालयहरु र ख श्रेणीका विद्यालयहरु जसले आफैले पनि त्यो व्यवस्थापन गर्न सक्छन् । र उनीहरुले आफैले व्यवस्थापन गर्नुपर्छ । त्यसको अलावा ग र घ श्रेणीका विद्यालयहरु छन् ,उनीहरुको न्यून आय छ । उनीहरुले भौतिक पूर्वाधारको विकास गर्न सकेका छैनन् ।

शिक्षक कर्मचारीको तलव उनीहरुले राम्ररी दिन सकेका छैनन । त्यसले गर्दा त्यस्ता विद्यालयहरुका लागि सरकारले विकल्प सोच्नुपर्छ । हामी त्यो स्पष्ट पार्न चाहन्छौं । किनभने यदी अहिले बिकल्प सोचिएन त्यो कार्यक्रम राम्रो हुँदा हुँदैपनि साना विद्यालयहरुले त्यो व्यवस्था गर्न सम्भव नै छैन । त्यसो भएकाले ति विद्यालयहरुलाई अप्ठ्यारो नपारीकन राज्यले पनि केहि दायीत्व लिनुपर्छ, निकास दिनुपर्छ भन्ने कुरा हामी सरकार सँग राख्न चाहन्छौं ।

वर्तमान सरकार नेकपाको छ । तपाई पनि यहि पार्टी निकट हुनुहुन्छ ।यस्तो अवस्थामा सरकारले ल्याउने निती विरुद्ध तपाई लड्नसक्नुहुन्छ ?

पहिलो कुरा हामीलाई सम्माननीय प्रधानमन्त्रीले स्पष्ट भन्नु भएको छ । तपाईहरु आत्तिनुपर्दैन । तपाईहरुको विरुद्धमा विद्यालय नै नरहनेगरि विद्यालयलाई नियन्त्रण गर्ने किसिमले र विद्यालय नियोजन गर्ने किसिमले कुनैपनि निति बन्दैन । हामी नियमन गर्नेसम्मको तहसम्म मात्र जान्छौं । राज्यले बनाएका नियमको निमयन गर्नैपर्छ । तर हामी यस्तो ऐन बनाऔं । जुन ऐन तपाईहरु कार्यान्वयन गर्न सक्नुहोस र तपाईहरुका विद्यालयहरु अघि बढ्न सकुन् । र समाजप्रति बढी उत्तरदायी भएर अगाडि बढ्न सकुन । भन्ने कुरा यो सरकारले अगाडि सार्छ त्यसो भएको हुनाले तपाईहरु ढृुक्क हुनुस् भन्नु भाको छ । त्यसो भएकाले हामीले पछिल्लो समय माननीय शिक्षामन्त्रीज्यूसँग पनि छलफल गरिसकेका छौं । उहाँले भन्नु भएको छ , संघीय शिक्षा ऐन बन्नुभन्दा अगाडि तपाईहरुसँग बसेर छलफल गर्छु भन्नु भएको छ । त्यसैले मलाई के विश्वास छ भने हामीले लबिङबाट नै यो समस्याको समाधान हुन्छ । तर लोकतन्त्रको अर्को महत्वपूर्ण पाटो, यदि त्यो ढंगबाट समस्याको समाधान हुन सकेन भने मात्र सरकारले सुन्ने गरि बोल्नुपर्ने हुन्छ । मलाई लाग्छ त्यो परिस्थिती निर्माण हुदैन ।

दुई प्यानलमा विभाजित टीम अन्तिम समयमा एक हुँदै सर्वसहमतीमा नेतृत्व चयन भएको छ । यस्तो अवस्थामा तपाईका एजेन्डा पुरा गर्न असहयोग होला जस्तो लाग्दैन ?

स्वभाविक रुपमा निर्वाचनको समय विभिन्न प्यानलहरु निर्माण गर्ने, भोट क्याम्पेनीङ गर्ने प्रचलन सवै संघसंगठनमा छ । प्याब्सनमा पनि त्यो ढंगले अघि बढ्नु स्वभाविक नै हो । तर पनि यो १४ औं राष्ट्रिय महाधिवेशनलाई भने प्याब्सनको एकताको महाधिवेशन बनाउनुपर्छ, हामीले शक्ति, सामथ्र्यको लडाई गर्नुभन्दा पनि राज्यसँग समन्यकारी भूमिका निर्माण गर्नुछ , बरु शक्ति त्यता खर्च गर्नुपर्छ भनेर एकताबद्ध भएका हौं ।

मलाई के विश्वास छ भने अहिले बनेको समितिमा राम्रो काम गरेका साथीहरु हुनुहुन्छ, लामो समय काम गरेका अनुभवी र क्षमतावान साथीहरु हुनुहुन्छ । त्यसो भएको हुनाले अब हामी केन्द्रीय कार्यसमिती निर्माण भएपछि कुनै पक्ष र विपक्ष भन्ने कुरै रहेन । हाम्रा इश्यूहरु एउटै हुन् । हामी निजी विद्यालयहरु बचाउन लागेका छौं । त्यसो भएको हुनाले हामी एकताबद्ध ढंगले उद्देश्यप्राप्तिका लागि केन्द्रीत हुन्छौं ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५