CLASSICTECH NET

जलपान तथा सांस्कृतिक कार्यक्रम भव्य गर्ने तयारी

खबर पूर्वाञ्चल, २४ कार्तिक २०७५, शनिबार १८:१५
पत्रकार सम्मेलनमा बोल्दै कावा मुख्यमन्त्री हिक्मत कार्की, साथमा सामाजिक विकाश मन्त्री जीवन घिमिरे । तस्वीर : पुष्पराज थपलिया

विराटनगर / १ नम्बर प्रदेश सरकारले चाडवार्डको अवसरमा आउँदो कार्तिक २८ गते जलपान तथा सांस्कृतिक महोत्सव गर्ने भएको छ ।

प्रदेशका कार्यवहाक मुख्यमन्त्री हिक्मतकुमार कार्कीले आज विराटनगरमा पत्रकार सम्मेलन गर्दै यसअघि कार्तिक २६ गते गर्ने भनिएको महोत्सव २ दिन पर सारिएको र भव्य ढंगले गर्ने बताए । प्रदेश १ को अस्थायी राजधानीको रुपमा रहेको विराटनगरमा छैठ पर्वको महत्व अझै धेरै भएको कारण छठको अन्त्यसँगसँगै महोत्सव आयोजना गरिएको र यस खाले पर्वले राष्ट्रियता र सामाजिक सद्भाव लाई अझै एकताबद्ध बनाउने पनि मन्त्री कार्कीले जानकारी दिए।

पत्रकार सम्मेलनमा प्रदेशका सामाजिक विकाश मन्त्री जीवन घिमिरेले प्रदेशको सबै साझा पर्व महोत्सवको रुपमा कार्यक्रम गर्न लागिएको बताए । महोत्सवका अवसरमा मोरङका विभिन्न स्थानीय तहबाट विभिन्न खाले झाँकी तथा नृत्य प्रस्तुत हुने पनि उनले जानकारी दिए ।

साँस्कृतिक महोत्सवको अवसरमा झाँगढ साँस्कृतिक झाँकी, सन्थाल नृत्य, बाँतर नृत्य, थारु साँस्कृतिक झाँकी, माडवारी साँस्कृतिक झाँकी, मुस्लिम साँस्कृतिक झाँकी आदि प्रदर्शन गरिने छ ।

सांस्कृतिक महोत्सवमा राष्ट्रिय कलाकारहरु दीपाश्री निरौला, विल्सन विक्रम राई (तक्मे बुढा), सुमित खड्का, मैथिली भाषी कलाकार ललितकुमार र संगीतालगायतले सहभागीता जनाउने बताइएको छ । महोत्सवमा ४ हजार बढीलाई निम्तो बाँडिएको पनि पत्रकार सम्मेलनमा जानकारी दिइयो । उक्त महोत्सव विराटनगरस्थित आदर्श विद्यालयको प्राङ्गणमा हुने कार्यक्रम कार्य संचालन उपसमितिका संयोजक उपेन्द्र दाहालले जानकारी दिए ।

तपाईको प्रतिक्रिया

EVREST SCHOOL KO SAMMAN
AIMS COLLEGE
SOMS COLLEGE
EDEN BORG COLLEGE
merryland college
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५