CLASSICTECH NET

हस्पिटलले उपचार खर्च मिनाहा गरे पछी शव लिएर घर फर्किए आमा छोरी

खबर पूर्वाञ्चल, १४ कार्तिक २०७५, बुधबार १७:४८

विराटनगर / आरके चिल्ड्रेन हस्पिटलमा उपचार खर्च तिर्न नसकेर बन्दक भएकी आमा छोरी बच्चाको शव लिएर घर फर्केका छन् । अस्पतालले उपचार खर्च मिनाहा गरिदिएपछि बिचल्लीमा परेकी आमाछोरी बच्चाको शव लिएर घर फर्केका हुन् ।

आरके चिल्ड्रेन हस्पिटल विराटनगरमा उपचार खर्च तिर्न नसकेर बन्दक भएका हनुमाननगर कंकालनी ५ की ५५ वर्षीया सीतादेवी मण्डल र उनकी २५ वर्षीया छोरी रेणुदेवी खड्गा उपचार खर्च मिनाहा भए पछि मंगलबार साँझै नै घर फर्केका छन् ।

रेणुदेवीकी ३ महिनाकी छोरी निशाकुमारी खड्गाको उक्त हस्पिटलमा आइतबार अपराह्न उपचारको क्रममा मृत्यु भएको थियो । परिवारजनले उपचार खर्च बुझाउन बेवास्ता गरेकोले बच्चाको शवसँगै आमाछोरी तीन दिनदेखि अस्पतालले बन्धक बनार राखेको थियो । सीतादेवीले अस्पतालले बोलाएर मंगलबार साँझ शव बुझाई एम्बुलेन्स खोजेर घर पठाइ दिएको बताईन ।

बच्चाको उपचारमा खर्च भएको १ लाख १६ हजार रुपैयाँ बुझाउन नसकेपछि तीन दिनपछि अस्पतालले मिनाहा गरेर घर पठाइ दिएको हो । अस्पताल प्रशासक धिरज मैनालीले उपचारवापतको शुल्क तीन दिनसम्म उनीहरुले नबुझाएपछि मिनाहा गरि दिएको बताएका छन् ।

असोज ३१ गते तीन महिनाकी छोरी निशालाई उच्च ज्वरो आएपछि रेनुदेवीले उपचारकालागि विराटनगरको कोशी अञ्चल अस्पताल ल्याएकी थिइन् । अञ्चल अस्पतालमा उपचार हुन नसकेपछि आर के चिल्डेन हस्पिटलमा उपचारकालागि भर्ना गरिएको थियो ।

आर के चिल्डेन अस्पतालमा ११ दिनको उपचार पछि आइतवार शिशुको मृत्यु भएको थियो । अस्पतालले ११ दिन भेण्टीलेटरमा राखेर उपचार गर्दा १ लाख ७० हजार हाराहारी बिल उठेको जानकारी दिएको थियो । तर अस्पतालले मागे अनुसारको शुल्क तिर्न नसकेपछि आमा छोरीलाई अस्पतालले रोकेर राखेको हो । शिशुका आफन्तले अस्पतालमा ६० हजार रुपैया बुझाएका थिए । बाकी पैसा नतिरेपछि अस्पतालले शिशु लैजान दिएको हो ।

तपाईको प्रतिक्रिया

SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE
HAMRO NURSING COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५