पूर्वाञ्चल खबर
आज महानगरका मेयर भीम पराजुलीले विराटनगर वार्ड नं १० शान्तिचोकबाट बृक्षरोपण गरेर कार्यक्रमको शुभारम्भ गरेका हुन् ।
नाली सहित पिच भएका सडक छेउमा वृक्षारोपण गरिने भएको छ । जसका लागि १७ सय ५० विरुवाहरु रोप्ने तयारीमा महानगर जुटेको छ । वृक्षारोपण कार्यक्रममा विराटनगर महानगरका मेयर पराजुलीले क्रमश विराटनगरलाई हरित नगरीका रुपमा विकास गरिने बताए । उनले नगरलाई सफा स्वच्छ र सुन्दर बनाउनको लागी सरसफाई र वृक्षारोपण कार्यक्रमले निरन्तरता पाउने बताए ।
कार्यक्रममा विराटनगर महानगरका प्रमुख प्रशासकिय अधिकृत कुमारप्रसाद दाहाल ,वार्ड नं १० का वडाअध्यक्ष माधवराज वाग्ले ,महानगर वतावरण शाखा अधिकृत अनिता न्यौपानेलगायतको सहभागिता रहेको थियो ।
