CLASSICTECH NET

महानगरले बढाएको कर तत्काल सच्याउनु पर्ने माग

खबर पूर्वाञ्चल, ३२ असार २०७५, सोमबार ०९:०५

विराटनगर /विराटनगर महानगरपालिकाले नगरसभाको बैठक पछि विभिन्न शिर्षकमा बढाएको कर तत्काल सच्याउनुपर्ने माग राख्दै नेपाल कम्यूनिष्ट पार्टी विराटनगर समिति ज्ञापनपत्र बुझाएको छ ।

साउन ७ गतेसम्मको हदम्यादसहित बुझाइएको ज्ञापनपत्रमा पछिल्लो समय नगरसभाले बृद्धि गरेको १ हजार प्रतिशतसम्मको कर तत्काल सच्याउनु पर्ने माग अगाडी सारिएको छ । निर्वाचित भएर एकवर्षसम्मका कामको प्रगति विवरण सार्वजानिक गरेको भोलिपल्ट विराटनगर महानगरपालिकाका प्रमुख भीम पराजुलीका कमजोरी देखाउँदै प्रतिपक्षी÷प्रतिद्वन्द्वी दल विरोधमा उत्रिएको हुन् ।

उनीहरु महानगरको करबृद्धि, भ्रष्ट्राचार र अनियमितताको विरोधमा उत्रिए । ज्ञापनपत्रमा व्यक्तिगत घटना दर्ता, सिफारिस जस्ता सामान्य शिर्षकमा समेत पाँचसयदेखि हजार प्रतिशतसम्म कर बृद्धि हुनु हास्यास्पद भएको दावी गरिएको छ । एकवर्षको अवधीमा प्रमुखको हैसियतले कार्यन्वयन गरेका विकास निर्माणको कामको प्रगति २५ प्रतिशत पनि नदेखिएको गम्भीर आरोप समेत लगाइएको छ ।

नगरका सडक हिलाम्य र धुलाम्य, अस्तव्यस्त, सेवा प्रवाहमा ढिलासुस्ती, निर्माणका कामका अनियमितता जस्ता समस्या यत्रतत्र रहेको उल्लेख गरिएको छ । महानगरले गर्ने विकास निर्माणका कामहरु कोटेशनको भरमा प्रमुखको तोक आदेश अनुसार मात्रै हुने गरेकोले विराटनगर महानगर ‘कोटेशन नगर’ भएको नेकपामा नगर संयोजक सागर थापाको दावी छ ।

ज्ञापन पत्र बुझाएपछि संयोजक थापाले एकवर्षसम्म यूवा नेतृत्वलाई काम गर्ने अवसर दिएका थियौं तर १ करोड ७५ लाख रुपैँयाको गिट्टी हाल्दा गरिएको भ्रष्टचारले आफैंलाई लज्जाबोध भएको उल्लेख गरेका थिए । तीनपैनी–अस्पतालचौक–घोघापैनीसम्मको ४ किलोमिटर दुरी सडक कालोपत्रेमा १२५ कोटेशन मगाएर प्रमुखको तोक आदेशमा काम भएको थापाको आरोप थियो ।

हरेक काम हुँदा कोटेशनबाट गराईनुले २० प्रतिशत कमिसनको खेललाई उजागर गर्नेतर्फ नगरवासी सचेत रहेको भन्दै थापाले प्रमुख पराजुलीलाई युवा नेतृत्वको असक्षमता प्रस्तुत नगर्न आग्रह समेत गरेका छन् । पछिल्लो एक महिना भित्रै जेसिभी प्रयोग गरिए वापत महानगरको आर्थिक शाखाले १० लाख रुपैँया भुक्तानी गरेको, धुलो मार्न पानी छिट्ने ट्याङकरलाई ७ लाख रुपैँया भुक्तानी गर्नु आफैंमा भ्रष्टचार दर्शाउने प्रमाण भएको थापाले बताएका छन् ।

यसैगरी महानगरको बोर्ड बैठकले दशजना स्वास्थ्य सहयोगी पदमा कर्मचारी भर्ना गर्ने निर्णय विरुद्ध १९ जनालाई नियुक्ति दिएकोप्रति पनि थापाले प्रमुख पराजुलीको ध्यानाकर्षण गराएका छन् । पराजुलीले दशजनाको दरबन्दी कायम गरेर १९ जना कर्मचारी नियुक्ति गर्नुको रहस्य पार्टीको भर्ति केन्द्र बनाउने योजना देखिएको दावी गरिएको छ ।

यस्तो छ बढाएको शुल्कको अवस्था

विराटनगर महानगपालिको हालै बसेको नगर सभाले विभिन्न शिर्षकमा करवृद्धि गरेको छ । विभिन्न २७ शिर्षक, उप–शिर्षकमध्ये जन्म–मृत्यु, विवाह, बसाईसराईमा एकसयबाट पाँचसय सिफारिस शुल्क कामय गरिएको छ । यसैगरी एकसयमा हुँदै आएको नाम थर संशोधनलाई पाँचसय, ५ सयमा हुँदै आएको पेन्सन कार्ड सिफारिस २ हजार, एकसयमा हुँदै आएको हकवाला संरक्षण सुचना पाँचसय, पाँचसयमा हुँदै आएको गैसस क्लव र बाचनालय २ हजार, एक हजारमा हुँदै आएको ठूला गैसस १० हजार, १ सय २५ मा हुँदै आएको व्यवसाय लगतकट्टा २ हजार पाँचसय, कच्ची घर विद्युत तथा खानेपानी जडान २ सय १० बाट १ हजार पु¥याइएको छ ।

त्यस बाहेक विद्यालय दर्ता अनुमति २५ सयबाट १० हजार, विद्यालय वार्षिक कर १ हजारबाट १० हजार, विद्यालय गाभ्ने र ठाउँसारी १० हजार रुपैँया पु¥याइएको छ । भेटनरी उपचारलाई एकसयबाट पाँचसयमा बृद्धि गरिएको छ ।

जग्गाको चारकिल्ला सिफारिस प्रमाणका लागि अब ५ सयबाट २ हजार ५ सय तिर्नुपर्ने छ भने छुट जग्गा सिफारिसमा २ हजारबाट १० हजार पुगेको छ । घर बाटो सिफारिसलाई २ हजारबाट ४ हजार पु¥याइएको छ । सम्पति मुल्याकंन पत्र बनाउँदा ७ हजार तिर्नुपर्ने छ । घर नक्सा पास दस्तुरलाई १२ रुपैँया प्रतिफिटबाट बढाएर २४ रुपैँया प्रतिफिट कायम गरिएको छ ।

सम्पति कर वार्षिक एककरोड मुनी ०।४ र एक करोडमाथि ०।६ प्रतिशतले बृद्धि गरिएको छ । पूर्वाधार विकास शुल्कका नाममा सम्पति करमा अतिरिक्त १० हजारसम्म तिर्नुपर्ने हुन्छ । मालपोत भूमिकरलाई ५ सयदेखि १ हजार ५ सयसम्म पु¥याइएको छ । व्यवसाय करमा एकहजार प्रतिशत बृद्धि गरिएको छ भने पार्किङ्ग शुल्कलाई १ सयबाट १ सय ५० रुपैँया तोकिएको छ ।

सम्बन्ध विच्छेदलाई ५ सयबाट बढाएर २ हजार शुल्क तोकिएको छ । नाला, ढल शुल्क वापत प्रतिमहिना पाँचसय रुपैँया बुझाउनु पर्नेछ । यतिमात्रै नभई विकास निर्माणमा सहभागिता शुल्क वडास्तरीय उपभोक्ता संस्थाले १५ देखि ३० प्रतिशत बुझाउनु पर्ने हुन्छ भने शिक्षक सरुवा सिफारिसमा समेत शुल्क तोकिएको छ ।

तपाईको प्रतिक्रिया

EVREST SCHOOL KO SAMMAN
AIMS COLLEGE
SOMS COLLEGE
EDEN BORG COLLEGE
merryland college
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५