बाढीमा बगेका बालकको प्रहरीबाट उद्धार

खबर पूर्वाञ्चल, २२ असार २०७५, शुक्रबार १८:३१

विराटनगर / खोलाको बाढीमा बगेका एक ६ बर्षिय बालकलाई उद्धार गर्न दुई जना प्रहरुी सफल भएका छन् ।

मोरङको केवारी गाउँपालिका ७ स्थित खदम खोलामा खेल्नेक्रममा हिजो साँझ ५ बजेतिर एक्कासी बाढीमा बग्न पुगेका सोही ठाउँका अमृत दुलालका ६ बर्षिय छोरा अनसल दुलाललाई इलाका प्रहरी कार्यालय केरावारीका दुई प्रहरीले उद्धार गर्न सफल भएका हुन् ।

बाबु आमा खेतमा काम गर्न गएको बेला खोला किनारमा खेल्नेक्रममा बालक अनसल तेज धार भएको खदम खोलामा बग्न पुगेका थिए । बालक चिच्याउदै बगेको देखेपछि खोलामै डयुटी गरिरहेका इलाका प्रहरी कार्यालयका प्रहरी जवानद्वय रजबिन यादब र सुरेश थामीले खोलामा पसेर पौडी खेल्दै उनको उद्धार गरेका थिए ।

खोलाको बाढीले बालकलाई साठी मिटर तल बगाइसकेको अवस्थामा पनि प्रहरी जवानहरुले खोलामा पसेर उनको उद्धार गर्न सफल भएको इप्रका केरावारीका सई दिपक यादबले बताए । उद्धार गर्ने क्रममा प्रहरीहरु सामान्य घाइते भएका थिए । उद्धार गरिएका बालकको अवस्था समान्य रहेको छ ।

खोलामा हुने अबैध उत्खननलाई नियन्त्रण गर्न केरावारी प्रहरीले चौबिसै घण्टा आजकल प्रहरी खटाउने गरेको छ ।

खोलाको बाढीमा बगेका बालकको उद्धार गर्न सफल भएपछि गाउँलेहरुले प्रहरीको प्रशंसा गरेका छन ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५