लर्ड्समा खेल्ने नेपालले प्रारम्भिक टिम घोषणा : सुवास, विनोद र प्रदिपको कमब्याक, हरि नयाँ अनुहार

खबर पूर्वाञ्चल, २२ असार २०७५, शुक्रबार १५:५२
फाइल तस्वीर

विराटनगर / लर्ड्समा मेरिलोबन क्रिकेट क्लब र नेदरल्याण्ड्ससँग खेल्ने नेपालले प्रारम्भिक टिम घोषणा गरेको छ । टोलीमा विकेटकिपर ब्याट्सम्यानसुवास खकुरेल, विनोद भण्डारी र प्रदिप ऐरीले कमब्याक गर्दा यता हरि क्षेत्री चौहान पहिलो पटक राष्ट्रिय टिमको क्याम्पमा परेका छन् ।

चौहानले प्रधानमन्त्री कप एकदिवसीय क्रिकेटमा इमर्जिङ प्लेयर (उदयमान खेलाडी) बनेका थिए । उनले प्रदेश ४ बाट अलराउन्ड प्रदर्शन गरेका थिए। उनले प्रदेश १ विरुद्धको खेलमा ब्याटिङतर्फ शतक र बलिङतर्फ ह्याट्रिकसहित ४ विकेट लिँदै सानदार प्रदर्शन गरेपछि चर्चामा आएका थिए ।

नेपालले आगामी साउन १३ गते इंल्याण्डको लर्डस् क्रिकेट मैदानमा त्रिकोणात्मक टी–२० सिरिज खेल्नेछ । मेरिलबोन क्रिकेट क्लब (एमसीसी) र नेदरल्याण्ड्सबीचमा टी–२० सिरिज हुन लागेको हो । तीन टिमले एक अर्कासँग प्रतिस्पर्धा गर्नछन् । शीर्ष दुई टोलीले उपाधिका लागि प्रतिस्पर्धा गर्नेछन् ।

त्यसको तीन दिनपछि नेपालले एकदिवसीय खेलमा डेब्यू गर्नेछ । नेदरल्यान्ड्सविरुद्ध २ खेलको सिरिज खेल्दै नेपालले एकदिवसीय खेलमा डेब्यू गर्नेछ । खेल आगामी साउन १६ र १८ मा नेदरल्यान्ड्समा हुनेछ । नेपालले गत चैत १ मा एकदिवसीय मान्यता पाएको थियो।

पारस खड्काको कप्तानीमा रहेको टोलीमा अनिलकुमार साह, बसन्त रेग्मी, दिपेन्द्र सिंह ऐरी, ज्ञानेन्द्र मल्ल, करण केसी, ललित भण्डारी, ललित राजवंशी छन् । यस्तै रोहितकुमार पौडेल, सन्दिप लामिछाने, शक्ति गौचन, शरद भेषावकर, सोमपाल कामी, सुनिल धमला र सुशान भारी पनि टोलीमा रहेका छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५