अहिलेनै सरकारको आलोचना गर्नुको कुनै अर्थ छैन–मन्त्री बास्कोटाका

खबर पूर्वाञ्चल, १६ असार २०७५, शनिबार १७:२९

विराटनगर / सञ्चार तथा सूचना प्रविधि मन्त्री गोकुल बास्कोटाले अधिनायकबाट विरुद्ध लडेर प्रजातन्त्र ल्याएको दलको नेतृत्व वनेको सरकार कुनैपनी हालतमा अधिनायकबाद हुन नसक्ने बताए ।

नेपाल पत्रकार महासंघ मोरङले विराटनगरमा आज आयोजना गरेको पत्रकार सम्मेलनमा मन्त्री वास्कोटाले कम्युनिष्टहरुको स्थिर सरकार बनेको देखेपछि विरोधका लागि मात्र यस्ता कुरा आएको बताए ।

कम्युनिष्टको सरकार आएपछि अधिनायकबाद उन्मुख भएको भन्नु आलोचना मात्र भएको भन्दै अव आलोचना हुने डरले आफनो दायित्ववाट सरकार पछि नहटने र चुनावी घोषणापत्र अनुसार जिम्मेवारी पुरागर्ने उल्लेख गरे ।

मन्त्री बास्कोटाले अहिलेनै सरकारको आलोचना गर्ने समय नभएको उल्लेखसमत गरे । उनले सरकार ५ बर्षका लागि बनेकोले सरकारले हतारमा नभई योजनाबद्ध ढंगले काम गर्ने भएकोले अहिले नै काम गरेन भनेर आलोचना गर्नुको कुनै अर्थ नभएको बताए ।

जनतासँग गरेको प्रतिबद्धता अनुसार सरकारले निति तथा कार्यक्रम ल्याएको भन्दै उनले यो काम गर्ने भएकोले १ बर्ष पनि नभई सरकारले काम गरेन भनेर मुल्याङकन गर्ने बेला अहिले नभएको बताए । स्थिर सरकार बनेकोले सरकारले तोकीएको काम तोकीएको समयमा हुनुपर्ने, भ्रष्टाचार रहित रुपमा काम हुनुपर्ने कुरा कडाइका साथ लागु गर्दै योजनाबद्ध रुपमा ५ बर्ष विकास र समृद्धिमा लाग्ने मन्त्री बास्कोटाको भनाई छ ।

अर्को एक प्रसँगमा मन्त्री बास्कोटाले मिडिया समन्धी कानुन मिडियालाई बाध्न नभई मर्यादिन बनाउन ल्याएकोले मिडियाकर्मीहरु चिन्तीत हुनुपर्ने अवस्था नभएको बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५