क्यानले ४९ जना विद्यार्थीलाई झण्डै २ करोडको छात्रवृत्ती दिने

खबर पूर्वाञ्चल, ९ असार २०७५, शनिबार १७:११

विराटनगर / कम्प्यूटर एशोसिएन नेपाल महासंघ (क्यान)ले सूचना प्रविधि अध्ययनका लागि यस वर्ष ४९ जना विद्यार्थीको लागि १ करोड ८३ लाख वरावरको छात्रवृत्ति प्रदान गर्ने भएको छ ।

सूचना प्रविधि विषयको अध्ययन ग्रामीण क्षेत्रमा पुगोस भन्ने उद्देश्यले गरीव तथा जेहेन्दार विद्यार्थीहरुलाई क्यान नेशनल आईसीटी स्कलसिप–२०७५ छात्रवृत्ति प्रदान गर्ने भएको हो । क्यान तथा लर्ड वुद्ध एजुकेशन फाउण्डेशनद्धारा विराटनगरमा आज पत्रकार सम्मेलन गरी ७ वटै प्रदेशबाट छनौट भएका जेहन्दार विद्यार्थीहलाई छात्रवृत्ती प्रदान गर्ने जानकारी दिए ।

सात प्रदेशवाट ७ जना छात्राहरुलाई छात्रवृत्ति अन्तर्गत काठमाडौमा रहेको लर्ड वुद्ध एजुकेशन फाण्डेशनमा स्नातक तह अन्तर्गत विएसस्सी आई टी विषयमा अध्ययन गराइने छ । उक्त छात्रवृत्ति अन्तर्गत फिमेल मेरिट आईसीटी स्कलरसिपवाट चार जना, आईसीटी मेरिट स्कलरसिपवाट तीन जना गरी एक प्रदेशवाट ७ जना गरी जम्मा ७ प्रदेशवाट ४९ जनाले एक करोड ८३ लाख ३६ हजार ५ सय वरावरको छात्रवृत्ति प्राप्त गर्ने छ ।

छात्रवृत्ति प्रदान गर्नका लागि क्यान महासंघले जिल्ला, प्रदेश, र केन्द्रीय स्तरको छात्रवृत्ति छनौट समिति समेत गठन गर्ने छ भने समितिले कक्षा १० र कक्षा १२ को प्राप्त अंक, स्थायी ठेगाना, आर्थिक अवस्था र स्थानीय सरकारको सिफारिश लगायतका आधारमा छनोट गर्ने छ ।

लर्ड वुद्ध एजेकेशनलका पंकज जलानले आगामी वर्ष छात्रवृत्तिको विद्यार्थीमा संख्यामा थप गर्ने वताए । पत्रकार सम्मेलनलमा प्रदेश नं १ का अध्यक्ष देवकुमार सुव्वाले सूचना प्रविधि विषयलाई शिक्षा मन्त्रालय विद्यालयस्तरीय पाठयक्रममा राख्नु पर्ने तथा सूचना प्रविधि विषयको अध्ययनको शुल्क महंगो भएको कम गर्नु पर्नेमा जोड दिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५