लुटेरालार्इ समात्न प्रहरीले चलायो दुर्इ राउण्ड गोली

खबर पूर्वाञ्चल, ७ असार २०७५, बिहीबार २०:४८

काठमाडौं / काठमाडौंको बौद्धस्थित जम्बु डाँडामा गोली चलेको छ ।
आज साँझ लुटेरालाई पक्राउ गर्न प्रहरीले दुई राउण्ड गोली चलाएको अपराध महाशाखाले जनाएको छ ।

महागनरीय अपराध महाशाखाले लुटपाटमा संलग्न अमर तामाङलाई नियन्त्रणमा लिन गोली चलाएको जनाएको छ । गोली लागेर अमर घाइते छन् ।

महानगरीय अपराध महाशाखाको टोलीले चलाएको गोली लागेर अमरको खुट्टामा गोली लागेको छ । पक्राउ गर्न गएको प्रहरी टोलीमाथि आक्रमण गर्ने प्रयास गरेपछि महानगरीय अपराध महाशाखाबाट खटिएको प्रहरीको टोलीले अमरमाथी गोली चलाएको हो ।

विगतमा पनि पक्राउ परेर छुटेका उनले गत जेठ २४ गते १९ लाख ६० हजार रुपैयाँ लुटेका थिए । ताप्लेजुङका वीरेन्द्र तामाङको पैसा उनले लुटेका हुन् । सस्तोमा डलर साटिदिने भन्दै बोलाएर लुटेका हुन् । अमरविरुद्ध धेरै वटा मुद्दा रहेको प्रहरीले जनाएको छ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५