पूर्वाञ्चल खबर
दिल्ली डियरडेभिल्समा आवद्ध उनले भारतीय कप्तान विराट कोइलीको नेतृत्वमा रहेको रोयल च्यालेन्जर्स बैंग्लोरका प्राम्भिक ब्याट्सम्यान पार्थिवलाई एलबीडब्लूको धरामा पारे । पार्थिवले ६ रन बनाए लामिछानेको आइपीएलमा पहिलो शिकार भए । बैंग्लोरविरुद्ध कप्तान श्रीयस ऐयसले सन्दिपलाई पहिलो ओभरमा नै बल थमाए । पहिलो ओभरमा २ रन दिएका सन्दिपले आफ्नो दोस्रो ओभरको तेस्रो बलमा पार्थीवले सन्दिपलाई चौका प्रहार गरे भने चौथो बलमा पार्थिवलाई एलबीडब्लू धरापमा पारे ।
समूह चरणबाटै बाहिरीने सम्भावना रहेकोे दिल्ली आज नेपाली यूवा बलर सन्दीपलाई मैदानमा उतारेको हो । सन्दिप आईपीएल टिममा आवद्ध हुने पहिलो नेपाली क्रिकेटर हुन् । दिल्लीले उनलाई २० लाख भारुमा टिममा भित्र्याएको थियो । तर, लगातार ११ खेल बेञ्चमा रहेका लामिछानेले आज खेल्ने मोका पाएका हुन् ।
११ मध्ये मात्र ३ खेल जितेको दिल्ली अंक तालिकाको पुछारमा छ र समूह चरणबाटै बाहिरिने सम्भावना बढी छ । दिल्लीले ११ खेल खेल्दा पनि उनी टिममा परेका थिएनन्। दिल्ली अझै गणितिय हिसाबले प्लेअफमा पर्नसक्ने सम्भावना कामयै छ । दिल्लीले ११ मध्ये ३ खेल मात्र जितेको छ । अबका खेल फराकिलो अन्तरले जित्नु आवश्यक रहेको छ ।
