खबर पूर्वाञ्चल
विराटनगर महानगरपालिका वडा नम्बर १३ मा रहेको भारतीय दूतावासको सम्पर्क कार्यालयलाई लक्षित गरि बिस्फोट भएको हो । विस्फोटका कारण कार्यालयको पछाडीको पर्खालमा सामान्य क्षती भएको जिल्ला प्रहरी कार्यालय मोरङका प्रहरी उपरिक्षक अरुणकुमार बिसीले जानकारी दिए । क्याम्पको खाली जग्गामा तर्साउने गरि गराईएको बिस्फोट भनिएपनि प्रेसरकुकर बम रहेको प्रहरीले आशंका गरेको छ ।
जिल्ला प्रहरी कार्याल मोरङका प्रमुख एसपी बिसीका अनुसार सोमवार राती साढे ८ बजे बम विष्फोट भएको जनाएका छन् । विस्फोटबाट भारतीय दूतावासको पर्खालमा ठूलो क्षति पुगेको प्रहरीले जनाएको छ ।
बम विष्फोट कसले गराएको भन्ने विषयमा नखेले पनि घटनामा विप्लव माओवादीले गराएको हुनसक्ने प्रहरीले अनुमान गरेको छ । क्रान्तिकारी माओवादी, नेकपा मसाल, नेकपा माओवादीले विराटनगरवाट भारतीय दूतावासको सम्पर्क कार्यालय हटाउन माग गदै आएका छन् ।
