CLASSICTECH NET

अररिया अन्तिम आठमा प्रवेश

खबर पूर्वाञ्चल, ८ चैत्र २०७४, बिहीबार १९:३४

पुष्पराज थपलिया
विराटनगर, ८ चैत / जोगबनीमा जारी इन्डो नेपाल क्रिकेट प्रतियोगितामा अररिया विजयी भई अन्तिम आठमा प्रवेश गरेको छ ।

अररियाले जोगबनीलाई ७ विकेटले पराजित गरि अन्तिम आठमा प्रवेश गरेको हो । जोगबनीले दिएको १ सय १९ रन लक्ष्य अररियाले १३ दशमलव ४ बलमा ३ विकेट गमाई पार गरेको थियो । अररियाका रवि बाबुले नटआउट २३ रन बनाउँदा सक्लैन मुस्ताकले २३ रन जोडे । जोगबनीका निसानले सर्वाधिक ३ विकेट दिए ।

यस अघि टस जितेर ब्याटिङ गरेको आयोजक जोगबनीले निर्धारित २० ओभरमा ७ विकेट गुमाई १ सय १८ रनको सामान्य योगफल तयार पारेको थियो । जोगबनीका निसानले २३ रन जोडेका थिए । अररियाका म्यान अफ द म्याच शुसान्त र सक्लैनले ३–३ विकेट लिएका थिए । प्रतियोगितको विजेताले भारु ५१ हजार तथा ट्रफि तथा उप विजेताले भारु २१ हजार र ट्रफि हात पार्ने छ । प्रतियोगितामा नेपाल र भारतका गरि १३ टिमको सहभागि रहने आयोजकले जनाएको छ । गत सस्करणको विजेता विराटनगरको पूर्वाञ्चल क्रिकेट एकाडेमी रहेको थियो ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५