खबर पूर्वाञ्चल
बिराटनगर -५ स्थित बेलायतको १ सय ८० वर्ष पुरानो विश्वबिद्यालय युनिभर्सिटी अफ वल्भरह्यामटनको साझेदारीमा संचालित चार वर्षीय बिए अनर्स इन्टरनेसनल बिजनेस म्यानेजमेन्टको ब्याचलरको कक्षा संचालन गर्दै आएको मेरिल्याण्ड कलेजमा यस वर्ष पनि दशैँ विशेष कार्यक्रम आयोजना भएको छ ।
कलेजका बिबिएम अध्यनरत ३ सय ५० भन्दा बढी बिद्यार्थीहरुका लागि दशैँमा विशेष कार्यक्रम आयोजना गरिएको कलेजका बिजनेस डेभलपमेन्ट म्यानेजर विवेक दाहालले जानकारी दिए । सोहि दशैँ विशेष कार्यक्रममा नेपालका चर्चित गायक एड्रिन प्रधान सहितको ब्याण्डको बिशेष प्रस्तुति रहेको थियो साथै कलेजका बिद्यार्थीहरुको गायन तथा नृत्य , बिभिन्न खेल र खानाका स्टलहरु राखिएको थियो । दुई घण्टा लामो एड्रिन प्रधानको कार्यक्रममा कलेजका बिद्यार्थी , शिक्षक तथा अतिथिहरुले संगीतको भरपुर मनोरञ्जन लिएका थिए ।
नेपालीहरुको महान चाड वडा दशैंको अवसरमा विद्यार्थीहरुका लागि मनोरंजन साथै आफ्नो प्रतिभा देखाउने माध्यमको रुपमा कार्यक्रम हुन लागेको कलेजले जानकारी दिएको छ ।
तपाईको प्रतिक्रिया