RUMPUM
animated ellipse animated ellipse

एक करोडको तयारीमा कुमार सानुको लाईभ कन्र्सट विराटनगरमा हुने

KhabarPurwanchal-Logo

खबर पूर्वाञ्चल

२५ श्रावण २०७४, बुधबार १५:४१
3
Shares
विराटनगर, २५ साउन / भारतको लोकप्रिय गायक गायक कुमार सानुको अन्तराष्ट्रिय स्तरको लाइभ कन्र्सट विराटनगरको फन एण्ड फुड भिलेज रिर्सोटमा आउँदो असोज ७ गते हुने भएको छ । मुन्टेज इन्टरनेशनल र फन एण्ड फुड भिलेज रिर्सोट प्रा.लि.को संयुक्त आयोजनामा कुमार सानुको लाइभ कन्र्सट हुने विराटनगरमा पत्रकार सम्मेलन गरि जानकारी गराएको हो ।
यस अघि कुमार सानुको नेपालमा पहिलो पटक लाइभ कन्र्सट उक्त संस्थाले गरेको बताएको छ । काठमाडौंमा नेपालको दर्शकको अपार माया र सदभाव पाएपछि दोस्रो ठूलो शहर विराटनगरमा कुमार सानुको लाइभ कन्र्सट गर्न लागेको मुन्टेज इन्टरनेशनलका प्रबन्धक निर्देशक रोसन पराजुलीले जानकारी दिए । लाइभ कन्र्सटको तयारीमा हामी लागि परिसक्यौं, उनले भने , ‘विराटनगरमा हुने कुमार सानुको कन्र्सट भव्य र सभ्य हुन्छ ।’ लाइभ कन्र्सटमा गायक कुमार सानुले लगातार २ घण्टा आफ्नो चर्चित गीतहरु गायक कुमार सानुले प्रस्तुत गर्नेछन् ।

नेपाली स्वरमा समेत गीत गाएका कुमार सानुको गीत उत्तिकै लोकप्रिया छन् । लाइभ कन्र्सटमा उनले ४ वटा नेपाली गीत प्रस्तुत गर्नेछन् । कन्र्सट अवधिभर गायक कुमार सानुले दुई दर्जन गीत प्रस्तुत गर्ने आयोजकले जनाएको छ । मनोरञ्जनको क्षेत्रमा काठमाण्डौपछि पोखरा र धरानलाई मात्र हेरिने गर्दछ, स्थानिय आयोजक तथा यूवा व्यापारी कविन श्रेष्ठले भने, ‘पूर्वी नेपालको विराटनगरलाई मनोरञ्जनको क्षेत्रमा पहिचान गारउन अन्तराष्ट्रिय स्तरको कन्र्सट गर्न लागेका हौं ।’ १ करोड खर्च हुने अनुमान गरेको कन्र्सटमा अन्तराष्ट्रिय स्तरको साउण्ड सिस्टम रहनेछ ।

कुमार सानुको लाईभ कन्र्सट हेर्नको लागि भारतको विभिन्न प्राप्त देखि स्वदेशको विभिन्न शहरबाट स्रोता आउने भएकाले ४ हजार दर्शक अटने क्षमताको स्टेज बनाउने तयारीमा लागि परेको श्रेष्ठले बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

ताजा समाचार