CLASSICTECH NET

निर्वाचन मिति सारियोस

खबर पूर्वाञ्चल, २२ बैशाख २०७४, शुक्रबार २१:३१

विराटनगर / मोरङ मुस्लीम समाजले स्थानीय तहको दोस्रो चरणको निर्वाचन जेठ ३१ गते नगर्न भन्दै सिडियो कार्यालय मोरङ मार्फत प्रधानमन्त्रीको कार्यालयमा ज्ञापन पठाएको छ ।

मोरङ मुस्लीम समाजले दोस्रो चरणको स्थानीय तहको निर्वाचनको मितिमा नेपालमा रहेका मुस्लीम समुदायहरुको पवित्र महिना रमजान (रोजा)रहेकाले उक्त मितिमा चुनाव नगर्न भन्दै सिडियो कार्यालय मार्फत प्रधानमन्त्रीको कार्यालयमा ज्ञापन पठाइएको हो ।

जेठ १३ गतेदेखि एक महिनासम्म बिहानको ४ बजेदेखि बेलुकाको ७ बजेसम्म पानी समेत नखाई व्रत बस्ने , नवाज पढ्ने अर्थात धार्मिक कार्य मात्र गर्ने भएको हुदा उक्त मितिमा हुने निर्वाचनमा मुस्लिमहरु सहभागी हुन नसक्ने भन्दै प्रधानमन्त्रीको कार्यालयमा ज्ञापन पठाएको मोरङ मुस्लीम समाजका प्रवक्ता वसिम आलमले जानकारी दिए ।

उनीहरुले दोस्रो चरणको चुनाव तोकिएकै मितिमा भए मुस्लीम समुदायको सहभागिता हुन नसक्ने भएकाले निर्वाचनको मिति परिवर्तन गर्न जोडदार माग गरेका थिए । उनीहरुले आफ्नो आवाजलाई वेवास्ता गरे सशक्त आन्दोलनको विकल्प नभएको बताएका छन् । ज्ञापन पत्र बुझ्दै मोरङका प्रमुख जिल्ला अधिकारी यज्ञराज कोइरालाले आजै फ्याक्स मार्फत ज्ञापन प्रधानमन्त्रीको कार्यालय पठाको बताए ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५